一百首歌 一百種感覺: 愛你 許志安

愛你 我管不了是禍
未想過是為何 能愛著你苦也未去躲

每個人對愛情，都會抱有一種轟轟烈烈嘅感覺，亦都唔會介意任何嘅辛酸，去對你嘅對象無條件地付出同支持。但係，呢個態度，從來都係唔會有原因。

身邊有啲人，成日都會有一個疑問，你中意一個人，人地都唔係中意你，點解你唔試下去搵另一個呀？可能另一個人，係可以同你有發展嘅空間，但係佢真係你想搵嘅幸福？呢一點，可能每位讀者都有唔同嘅睇法，但對我黎講，另一個人絕對唔會帶到你心儀對象所比到你嘅快樂。即使你心儀對象，可能對你從來都冇一點嘅心動，但只要你喺身邊默默去為佢付出，幾辛苦都唔好抱怨唔好介意，有一日，可能有意想唔到嘅回報。

愛你 最想得你附和
像這宇宙諧和 求你像我不要亂去想 為甚麼





愛一個人，從來都係雙向嘅。每個人都只係想得到對方嘅附和，永遠都唔想對方對自己冷淡。可能每一段愛情，經歷過時間嘅洗禮，去到唔同嘅階段會出現好多嘅不確定性。但係，千祈唔好去諗點解會有呢啲問題，既然問題都出現左嘅時候，咪一齊同另一半去面對囉。每一對愛侶都只係想得到自己另一半無條件嘅支持，你肯去支持對方，就算佢有幾大嘅難題，只要有你嘅附和，一定可以關關難過關關過。