理性男孩要點樣識女仔？: 學校是我們的第二個家

學校，一個充滿唔同人嘅地方，喺呢一度，你可以識到女仔，可以識到女朋友，可以識到未來嘅老婆……

啊！點解我要讀男校呀！呢度全部都係男仔黎架！點解呀！點解呀！

唔怕嘅！唔怕嘅！就算學校識唔到，我地都仲有其他途徑架嘛，話唔定返學途中會遇到真命天女呢？

就係咁，我帶住期望嘅心情，同盧仔一齊行返學校。

經過頭先我對佢嘅惡言惡語，我同佢尷尬左好耐，直到我到課室門口。





「喂！A0書蟲！成個假期流流長，唔好同我講你仲未識到女仔喎」

「我望一望向盧仔，經過三番四次嘅挑釁，我已經同盧仔有一種默契，佢都好配合咁幫左我。

「你地停啦，第幾次呀，次次🍅一返到黎就不停笑佢，你地咁樣同欺凌有乜分別呀！」

佢地都唔係成日都會霸凌我嘅，話晒我一個毒毒，喺佢地眼中，都只係一種娛樂玩具黎啫，又點會喺我身上浪費咁多時間呢⋯⋯

我充滿期待嘅返學日子就咁被同學搞到彎晒，而家，都只係過左20分鐘。





終於，第一節課黎到，開朗樂觀嘅我同自己講：

「只要讀好啲書，讀大學嗰時一定識到女仔嘅……」

我好認真咁上堂，無聊？無聊係咩黎架，無聊只係為左給予我地動力，使我地有動力去做事，而覺得無聊嘅情緒，就更加令我想上堂，更何況，比起千篇一律嘅遊戲，日新月異嘅知識就令我感到有興趣。

快樂嘅時光過得真係快，話咁快就放學啦，當我懷住接受死刑嘅心情去返屋企嘅時候，中文科老師搵我。

「🍅同學，一個星期之後會有一個宿營，呢個宿營係專俾辯論隊嘅人參加嘅，咁我地就三日兩夜啦，之後我地會有一場表演賽啦，仲有會同其他學校嘅辯論隊一齊訓練啦，你得唔得閒？」





機會黎啦飛雲，我終於有機會識女仔啦！

「梗係冇問題啦！」

就係咁樣，我鹹魚翻生嘅機會黎到啦！

未完待續→