條女有鳩而我冇賓周: 7

第二日，當浩俊上完堂如常同曦銘喺自己屋企打機嗰陣，又開始手痕想禍害無辜百姓。

「不如我陪你玩啦。」曦銘鬱悶咁望住浩俊咁講道：「你尋晚已經拖累咗驚驚佢哋，你唔好再害人啦…」

「不了。」浩俊聽到「驚驚」兩字嗰陣呆咗呆，言簡意賅咁拒絕曦銘嘅提議。

佢眼見畫面已經到揀角色嘅介面，毫不猶疑地打咗行字。

阿桃：我唔太識玩呢隻角色TAT求carry



床上的手指：當然啦靚女

「正呀，有女女！」床上的手指背後嘅人係一個滿面暗瘡、不修邊幅嘅猥瑣男，佢望住自己同「元朗桃味糖」嘅對話，不禁想入非非。

床上的手指：不過我可以揸你的奶嗎

床上的手指：sorry，係加你的Line

「哇，乜家陣啲人咁猴擒嘅？」浩俊驚訝道。



就好似個驚驚咁。浩俊喺內心補充道，但當下選擇唔講出口。

阿桃：唔好啦，你咁心急嘅

「屌，扮矜持！」猥瑣男不由自主咁幻想起桃味糖嘅樣貌，手心開始冒汗。

桃味糖一定係啲嬌羞得嚟又主動嘅女仔，一想像到佢嘅體味就可能就係清新嘅水蜜桃味……猥瑣男興奮地喘住氣，心臟不由自主地跳得更快。

遊戲話咁快就加載到熟悉嘅戰場中，浩俊得戚咁笑咗笑，對之後嘅發展胸有成竹。



床上的手指：靚女你幾大呀？

阿桃：16歲咋

「今次我仲唔撞彩？」猥瑣男對住螢幕奸笑道，佢嘅心跳漸漸加速，更下定決心要喺對方面前展示自己嘅實力。

阿桃：啊(╥﹏╥)我又死咗啦

浩俊喺自己角色死亡嗰陣不忘撒嬌，激發對方嘅保護欲。

床上的手指：放心，我一定會保護你

「咁樣做嘅話，我死幾多次佢都唔會鬧我。」浩俊得意洋洋咁對住曦銘講道。

床上的手指：妹妹你平時除咗打機之外，仲鍾意做啲咩呀？



「都冇啲新意嘅。」浩俊逐漸厭倦呢種固定嘅溝女模式，佢毫不猶豫就回應咗對方。

阿桃：冇啊，做下運動咁囉

「仲唔俾我捉到你？」猥瑣男嘅呼吸變得沉重起嚟，佢已經諗好要點調戲呢個欲拒還迎嘅妹妹。

床上的手指：想唔想學相撲？喺床上面嗰種

「快啲答啦！」猥瑣男如坐針氈，佢搲一搲褲襠嘅位置，不斷望去chatroom嘅方向。

阿桃：耶～你咁曳嘅？(๑´ㅂ`๑)

「懷疑呢隻game唔再係推塔遊戲，而係tinder啲friend嚟。」曦銘望住浩俊同人嘅激情對話，忍唔住抱怨幾句。



幸好床上的手指嘅實力唔錯，令場遊戲一直進行得十分順利，而浩俊亦可以專心咁繼續佢嘅大計。

床上的手指：乜妹妹你唔鍾意咩

猥瑣男已經等到唔耐煩，佢恨不得即刻穿過螢幕將想像中嘅桃味糖「就地正法」。

阿桃：鍾意啊，到時候睇吓邊個勁啲^ ^

「啊！哈哈哈哈哈哈—」猥瑣男怪叫一聲，開始喺度淫笑。

床上的手指：妹妹可唔可以開mic俾哥哥聽下你把聲？

浩俊望一望場遊戲嘅走勢，眼見自己嘅隊友開始打入對面嘅主堡，佢將耳機嘅mic帶近嘴邊。

阿桃：好呀，你等等



猥瑣男望到桃味糖過咗幾秒突然㩒著咗支mic，佢頓時瞪大對眼。

「啊…佢把聲肯定好正…」猥瑣男吞一吞口水，喘住氣咁托托眼鏡，左手慢慢咁伸入去褲襠度。

「喂？我把聲正唔正呀？鍾唔鍾意呀？」浩俊開mic後笑住講道。

「我屌！」猥瑣男剎那間嚇到縮咗縮，隻手迅速地喺褲度抽出嚟，佢瞬間意識到自己俾人呃嘅事實。

「我屌你老—」猥瑣男惱羞成怒咁鬧道，但係佢話口未完就已經被遊戲結束嘅聲效打斷咗。

「做你嘅隊友真係慘…」曦銘苦笑道：「又要carry你，又要俾你撚。」

「係喎，尋晚驚驚佢同我傾咗陣偈—」浩俊似笑非笑咁講到一半就停咗，令曦銘一臉驚恐咁望住佢。



「唔好啦。」曦銘愁眉苦臉咁講道：「佢識月伶架…」

 雖然曦銘仍然未知道西鐵線驚驚嘅真身，但係對方就係同佢一齊打機嘅好兄弟。假如浩俊又當驚驚係另一個整蠱對象，恐怕自己日後都唔洗旨意再輕鬆打機。

「我睇下點先。」浩俊講道。佢頗感興趣咁㩒入去西鐵線驚驚嘅簡介度，突然諗起啲嘢，嘴角微微揚起。

「喂你做咩申請入驚驚同月伶嘅公會呀？」曦銘望住浩俊螢幕上嘅畫面，不禁慌張起嚟：「你唔好搞咁多嘢啦～」

「都係識個朋友啫。」浩俊敷衍道。

「你到底想點，你講！」曦銘刻意加重語氣，嘗試逼供浩俊。