我倆的緣份，於半世紀前已經開始: 三人午餐

「嘩!!Charlotte妳有新錶咁好嘅!!」我同學Silvia拎起我隻手不停係到研究
 
「呢隻?我契爺送俾我架」
 
「喂喂，呢款好似係情侶錶黎架喎，男裝果隻係邊個到呀?」
 
「妳唔係以為我有拖拍呀?」
 
「好出奇咩」
 


我真係冇Silvia咁好氣
 
「男裝果隻呢，係我契哥手上，佢大我一星期左右，所以契爺懶得諗禮物，就買左set錶俾我地，一人一隻」
 
「丫…我真係想見下妳契哥，靚唔靚仔架」
 
「嘩…妳好想見佢呀?」
 
「少少咁啦，我呢d剩女邊似妳咁多人錫，而且又咁多男仔追妳」
 


「我有人追又點呢，唔代表我要接受架」
 
「介紹黎識下啦」
 
「好啦好啦，我問佢今日去邊到食飯啦」
 
「唔?佢間學校同我地好近?」
 
「佢讀皇仁，好近咋」
 


「咁就拜託妳啦」
 
<喂喂，今日你去邊到食飯呀?>
 
<咪照舊囉，妳想同我食?>
 
<今個學年都未同過你食飯，一齊食?>
 
<冇咩所謂，我行上黎?>
 
<當然啦>
 
<妳搵位?
 
<冇問題!>


 
「拿…佢肯上黎食啦」
 
「我個頭係咪好亂呀?」Silvia拎把梳出黎梳好自己個頭
 
「喂呀，妳唔洗咁猴禽啦，一陣嚇親佢呀」
 
「佢好怕羞架?」
 
「少少內向咁啦」
 
「咁就啱哂妳啦，妳咁活躍」
 
「咩啱唔啱者…佢鍾意我嘅話，一早就追我啦，洗唔洗等到而家」
 


「咦?有d野喎，妳做咩扁咀呀?」
 
「邊…邊有野呀，妳再亂講野，一陣唔帶妳去見佢架」
 
當Lunch時間我同Silvia去到一間餐廳到坐低之後，Silvia不停係到照鏡
 
「喂喂喂，唔洗咁隆重呀?」
 
「咩喎，係到讀左5年，第一次同皇仁仔食飯，點都要執好d架啦」
 
「放鬆d啦，可能佢又係不修邊幅咁黎呢」
 
就係果一刻，餐廳中所有同我同校嘅同學一齊望住門口，向翹哥哥行注目禮
佢係門口望入黎果一下好唔自在，冇辦法啦，佢真係小學到中學都係讀男校。其實我又何嘗唔係由幼稚園到中學都係女校咩
 


我企係身伸手示意叫佢過黎坐低，佢真係低住頭好快咁走過黎坐係我對面
 
「做咩呀?唔慣呀?」
 
「做咩…成場都係女仔架」
 
「怕咩丫!!!係呀，呢個係我同學，Silvia」
 
「你好呀，翹哥哥」
 
翹哥哥聽到Silvia咁叫佢之後，塊面就更紅
 
「你真係好怕羞喎」
 
「邊…..邊係呢」


 
呢個時候Silvia捉住翹哥哥隻左手，睇下佢手上隻錶，然後再捉起我隻左手睇一睇，之後佢就好興奮咁講
 
「真係情侶錶呀!!!」
 
Silvia咁樣叫一叫，附近幾檯同學立即再一次望過黎，唔單止同學，就連老師都望埋一份
 
「喂!!咪玩啦，都話左係佢爸爸送俾我地兩個架」
 
「係..係呀…生日禮物黎架」
 
「又冇話你地兩個有野，唔洗咁怕羞喎」
 
「係喎，翹哥哥你有冇英文名架」
 
「我叫Clodulf」
 
成個lunch，Silvia都係到問翹哥哥野，但係佢就永遠將個波傳返俾我，搞到我變左佢代言人咁
 
食完飯，佢送我地返學校
 
「阿思呀?」
 
「係」
 
「一陣等埋妳?」
 
「有咩所謂」
 
「唔….咁我去妳學校門口等妳?」
 
「傻架你?又要行上黎，係公園仔等咪得囉」
 
「唔….咁一陣見啦」