我倆的緣份，於半世紀前已經開始: 求證

夜晚我地一家三口去婆婆屋企食飯，婆婆真係好錫我，因為佢得我一粒孫女
 
「婆婆!!!」
 
「慧思!!有冇聽媽咪話呀?」
 
「有呀!!」
 
「乖乖地去洗手飲湯先啦」
 


「知道!!!」
 
我去廚房搗蛋之時，見到媽咪一面心事坐係婆婆面前
 
「媽咪…我有野想問妳….」
 
「嗯?有咩事?」
 
「契爺臨走果時….有冇同妳講過，當年佢整左兩條鍊?」
 


婆婆擰擰頭
 
「妳契爺只係送左一條鍊俾我，妳自己親眼睇住佢幫妳戴，就係慧思而家果條」
 
「媽咪…慧思前排….見到當年幫契爺整果條鍊個師傅….佢可以講出哂所有野，仲有佢認得妳張相…同埋認出浩翹係姓程….所以我唔覺得係假」
 
「咁個師傅講左咩?」
 
我飲完湯之後我到婆婆身邊，聽到佢地兩個對話後，我就講返俾婆婆知
 


「婆婆，個師傅話當年老契爺訂左兩條鍊….兩條鍊…可以組合成為一個大心形…心形之中，有個梅比斯環…」
 
我拎紙筆畫出個兩個鍊咀合併之後嘅型態出黎俾婆婆睇
 
「慧思…..兩個鍊咀真係可以併成咁樣?」
 
「嗯…..我親眼見到….而且梅比斯環係代表….永恆嘅愛….」
 
「邊個同妳講架慧思?」
 
「我同翹哥哥一齊搵….」
 
「浩翹?」
 
「嗯….」


 
「媽咪….另一條鍊…一直係阿哥到，而家條鍊嘅主人….係浩翹…..」
 
我第一次見婆婆喊，就係今日，不過婆婆應該係好開心咁喊
 
「慧思出一出去，我同媽咪有野講」
 
「知道」
 
「詩敏，幫我打俾阿風，我有野問佢」
 
媽咪打電話去契爺屋企，聽電話嘅係契媽
 
「奶奶?妳有事搵阿風?佢未落機喎」
 


「雪凝，奶奶想妳老實答我一件事，就當係妳當年偽造醫生紙果件事報答我，可唔可以?」
 
「奶奶，妳問咩我都會答妳，我…我又唔識講大話」
 
「傻女，妳不愧係我地英華模範生，我想問下，阿風係咪一直收埋一條頸鍊?」
 
電話對方傳出驚訝嘅聲音，然後，婆婆出山了，獅哮功，半成!!
 
「林雪凝….吼…..」
 
「係，奶奶….我一直都唔知老爺送左條鍊俾阿風….因為條鍊一直由家姐看管，直到我地結婚前…家姐先拎出黎。家姐話，老爺同佢講，如果阿風係確定娶詩敏果時，先將條鍊交俾阿風。如果佢娶其他女仔果時，就係佢結婚前拎出黎俾佢看管….等到詩敏嫁左人，生左小朋友之後，如果係男仔…而阿風自己有個女，就交俾個女…相反就俾個仔」
 
「係唔係心形同半個梅…咩環」
 
「係…梅比斯環….同詩敏戴住果條一樣，不過左右調轉，同埋….兩個鍊咀可以併為一個」


 
雪凝契媽係電話中傳黎喊聲
 
「對唔住奶奶….我唔應該瞞住妳地…我應該交返阿風俾詩敏…..」
 
「傻女….妳唔記得妳F.5果年，我話過會由得妳地D後生自己發展，詩敏輸左係事實，妳同阿風小學已經認定對方都係事實，不過我估唔到妳老爺….Tony佢…佢會咁做…」
 
「對唔住奶奶….」
 
「而家條鍊….係浩翹到?」
 
「係…」
 
「點解阿風要俾浩翹?唔俾浩揚?」
 


「因為….阿風係好耐之前已經知道….會有第三對出現」
 
「傻仔，有咩可能，慧思讀果間係真光，一定唔會收男仔，而且DSE一次定生死，已經唔會再有女校男生出現」
 
「奶奶…慧思係唔係妳身邊?」
 
「佢係外邊，雪凝，我一聽有另一條鍊唔係屬於Sally就知道…不過我想問…係阿風指明要浩翹，定係個仔自己坦白?」
 
「奶奶….其實…係我同阿風係個仔好細個時就發現左，佢地兩個舉動同詩敏細個一樣，只不過阿風怕嘅係….佢地會越界，所以先推個仔去男校…點知阿仔知道慧思揀大坑真光果時，浩翹竟然自己考入皇仁…佢想…」
 
「佢想經常見到慧思，每日同佢一齊返放學係唔係?」
 
「係…」
 
「唉…始終…佢地三爺孫都係一樣，辛苦妳啦雪凝」
 
「奶奶妳唔好咁講，我自己都由三年級開始係阿風身邊發傻…」
 
「如果浩翹同慧思兩個真係嘅話，妳會唔會反對?始終佢係詩敏個女」
 
「奶奶，我個女都係叫詩敏，原因妳唔會唔知，所以如果浩翹同慧思行紅地氈，我唔會反對」
 
「好啦……雪凝妳唔好諗太多啦，學校工作忙，妳休息下啦」
 
「知道啦奶奶」
 
婆婆收左線之後望住媽咪「敏敏，的確同我所諗嘅一樣」