「沙律呀….咁妳可唔可以叫妳哥哥介紹d同學俾我地識呀?」
 
「介….介紹呀?我唔係開婚姻介紹所喎」
 
「唔…..佢應該會有幾個特別好嘅朋友掛」
 
老實講,我真係未聽過佢自己講皇仁D野我知
 
「唔……呢層我真係唔知呀….佢好少可提佢學校生活嘅」
 


「咁叫佢教教我地功課得嘛」
 
「叫佢教功課一定冇問題」
 
「佢讀書好叻?」
 
「連續11年,全級第一,佢地三姊弟連埋契媽都係」
 
「咁佢哥哥同家姐讀邊間學校呀?我地又想識下」
 


「大家姐中學果時都係英華,二哥哥就係英皇」
 
「佢地家成人讀書都咁叻架….」
 
「唔…契爺係另類,佢以前係北角寶馬山五嶽之一,然後轉去樂善堂,再轉去英華」
 
「沙律,咁妳家姐同阿哥而家呢?」
 
「家姐係poly讀nursing,呢個係佢自細夢想,二哥哥就CU讀MBBS」
 


「沙律咁妳更加要介紹俾我地識啦!!!!嫁到俾佢兩兄弟我地就唔怕啦!!!」
 
一時間,好多同學都話要識兩個哥哥,直到老師黎到為止
 
小息時,我坐係個位到休息
 
「救命呀…..成班人都傻架….」
 
「咁妳兩個哥哥條件咁好,好難唔令同學咁興奮架喎」
 
「唔……」我托起個頭望住窗外
 
「不過呢…..而家有人呷醋,好怕哥哥俾人搶走呢」
 
「冇呀…..我邊有呷醋呀…冇」


 
「就當妳冇啦,點解妳要咁幫OV先?」
 
「下….呢個問題….我答妳唔到」
 
「咁今日妳有冇約佢食飯呀?」
 
「冇啦,佢都唔係成日咁得閒」
 
係食飯果時,令人意想不到嘅事發生左,翹哥哥企左係我學校門口,同訓導主任相對望住。情況就好似當年婆婆、同埋而家媽咪同契媽企係英華門口望住學校門口一樣
 
「沙律!!!!門口果個係咪妳哥哥呀?Queen屎仔呀」
 
「咦!?佢傻左呀?無啦啦走上黎」
 


「喂喂喂,加德利奧就快搵鎮壓部隊去圍佢啦!!!救佢先啦」
 
「OV呢?」
 
「佢邊敢得罪加德利奧呀?妳快D救人先啦」
 
我極速衝落去校門,仲好大聲咁叫佢
 
「翹哥哥,咩事上黎搵我呀?」
 
加德利奧可能知道我同哥哥有親戚關係,佢怕左婆婆呢個恐怖雞校長之外,仲要俾面皇仁,所以就主動退兵
 
「思思呀….我…..媽咪叫我拎D湯俾妳架…..」佢遞左個湯壺俾我,不過佢個樣有D尷尬,我望一望佢條褲,有件冷衫擋住
 
通常D男仔點會著冷衫呢?而且而家仲係9月,又唔涼,再望真D,附近有幾個皇仁學生係到望住阿哥偷笑,睇住佢尷尬個樣,我知道咩事啦


 
「你…..爆左呀?」
 
佢好無奈咁點一點頭「嗯…」
 
「所以上黎搵我幫你補褲呀?」
 
「嗯….」
 
我再望一望佢D同學,大家都俾個點頭我
 
「點解學校校工唔幫你補?」
 
「今次係自己衰貪玩,係課室表演跳過三張檯….然後」
 


「俾我望一望丫….」
 
「喂….唔好啦….」
 
「等陣…」
 
我走去加德利奧面前同佢解釋,點解哥哥會企係我地學校門口之後,佢表現出不可相信既表情,而佢行去望一望哥哥條褲之後
 
「Charlotte妳帶佢入學校幫佢補褲啦」
 
「Miss Yu….帶佢入去?」
 
「嗯….果三個同學,跟埋入黎!!!」
 
「但係Miss Yu….」
 
「唔通妳想幾位同學捱餓咩?一陣皇仁怪罪上黎,妳有媽咪婆婆幫妳解圍,我冇呀」
 
「知道!!!!入黎啦阿哥」
 
「唔該哂Miss Yu….」
 
翹哥哥係幾個同學保護加恥笑下入黎我地學校,當然,我地學校係有男廁