我倆的緣份，於半世紀前已經開始: 身有屎

佢就係男廁伸隻手同條褲出黎俾我，佢其他同學就係肥鴿引領下買左飯食
 
「沙律，妳哥哥咩事呀?」
 
「佢?爆太囉!!!有排幫佢補呀!!!!」
 
現場引黎好多同學笑聲，不過今日又真係幾多同學嘅….佢地幾個皇仁仔吸引到好多同學係到欣賞，十足十動物園咁。然後，OV都落到黎我身邊
 
「嗯? Clodulf你做咩呀?」
 


「佢爆太呀，OV」不過講呢句說話嘅唔係我，係哥哥其中一個同學
 
大家一聽到哥哥同學知到OV個名，大家都望實佢地
 
「你…你點知我個名架」OV塊面紅扑扑
 
「Clodulf講嘅，我地都認得妳呀，上次妳買野唔夠高，係我地幫妳拎架嘛」
 
「係….唔該哂你地」
 


「陪我地食飯囉，阿妹有排都未補好佢條褲」
 
「喂喂喂!!!你地唔黎幫阿哥補褲?吼……」
 
佢地幾個好有默契咁講
 
「Charlotte妹妹，妳果D未到家嘅獅哮功就唔好拎出黎獻醜啦」
 
下!!!!乜我咁出名架?
 


「你地知我係邊個?」
 
「妳係恐怖雞三世丫嘛，英華女學校孔美玲校長係妳婆婆，訓導主任張詩敏老師係妳媽咪，生物科科主任林雪凝老師係阿翹媽咪，而妳就係阿翹嘅….」佢地欲言又止，哥哥好似好怕佢地講野咁，就搵野扔佢地
 
「好啦!!!!咪講呀!!!我唔借功課俾你地抄架」
 
「得啦得啦，唔講啦」
 
不過佢地有一個就走去我耳邊講左聲
 
「幫佢好好補褲啦，程太」
 
當我聽到佢叫我做程太果時，我心跳立即上升，塊面由白白地轉為紅色只需要一秒
 
「哈哈哈哈!!!!都話左係架啦!!!!」


 
「痴….痴線啦……喂!!!!幫你補好條褲啦!!!!」我行去男廁遞返條褲俾佢
 
「你食咩呀!!!幫你買埋」
 
「唔…..是旦」
 
「妖!!!」
 
我買左兩個麵之後，翹哥哥都著好條褲坐低
 
「唔該哂妳啦思思」
 
「妖!!!咪係學校咁叫我呀!!!」
 


「哎呀~~~原來屋企咁樣叫妳架?呵呵呵呵」Silvia真係好鍾意串我
 
「夠啦!!!食野啦!!!」
 
「飲湯先啦妳」
 
「喂，飲唔哂呀」
 
「唔?俾我飲埋佢囉」
 
我叉起舊花膠放入口
 
「嘩，咁大舊妳食哂呀?」
 
「妖!!分一半俾你啦!!!」我用隻叉餵佢食半舊花膠


 
OV見到之後就反而對我有少少不滿
 
弊啦!!!唔通佢地知道左?
 
「好…好啦，你夠鐘返落去啦」
 
「唔?唔洗俾返個壺我咩?」
 
「一陣都同你一齊返去架啦!!!行啦你!!!」
 
佢地幾個好快俾我趕返去自己學校，然後我極速跑去洗面
 
冇事架冇事架!!!李慧思!!!妳冷靜下啦!!!!!佢當妳妹妹架咋!!!!
 


「沙律呀….」
 
「唔OV?做咩事呀?」
 
「Clodulf好似…..咁鍾意痴住妳咁嘅…」
 
死火啦，OV好似feel到翹哥哥對佢有d抗拒，點都好，暫時要佢對OV好少少先得，搶人男朋友呢條罪我真係孭唔起架
 
「傻啦OV，我同佢由出世果日就識到而家，細個又一齊沖涼孖鋪，我差唔多日日見佢，暑假果陣又成日去佢屋企玩，又一齊去過旅行…」
 
我用盡16年以黎所學嘅野一次過向OV連珠炮發，以防佢諗錯隔離，或者對我有所懷疑
 
「嗯…妳又講得幾啱嘅….」
 
「係囉，如果佢真係鍾意我，早就同我拍緊拖啦，我同佢到而家都冇事，佢點會鍾意我呢」
 
「咁…我又冇講佢鍾意妳，妳唔洗咁緊張」
 
「呀…係囉係囉，上堂啦，快D返去啦」
 
送走左OV之後我坐返埋位，先可以暫時鬆一口氣，其實我咁緊張做咩呢?呢D唔通就叫身有屎?