我倆的緣份，於半世紀前已經開始: 呷醋

「OV妳住邊?我送妳返去丫」
 
「呀…我住天后架咋…」
 
「唔..咁我又去地鐵站，一齊行啦」
 
於是我地幾個就一齊行去地鐵站，沿途OV個樣好開心，而我就好失落，同剛剛係圖書館內嘅表情係相反
 
當送左OV返屋企之後，我同佢係地鐵上，佢先開口同我講野，但係佢一開口，又搞到我個心好甜
 


「攰妳就早D出聲，我陪妳早D返屋企嘛」然後佢摸一摸我個頭
 
突然間我嘅醋意一次過透過眼淚，由我嘅醋罈流出。而翹哥哥都應該知道我正在呷醋中，因為我鼓起左個腮、嘟長左個咀同埋有淚水係面上邊。同時間，我亦將塊面擰埋一邊，唔俾佢見到我而家個樣
 
當佢發現我用手抹眼淚果時，佢伸手將我個頭，放係佢膊頭之上
 
「你呀!掛住OV得架啦，連我呢個妹都唔洗理架啦」
 
「妳呷醋喎」
 


「咁……你有理過我咩?」
 
「咁而家咪得我地兩個囉，妳又怕俾人話搶人男朋友?」
 
我望一望佢，破涕為笑，原來佢記得我講過嘅說話
 
「唔…算你啦，識氹返我」
 
我係地鐵上雙手撓實佢，我地兩個就好似一對小情侶咁樣
 


「喂，我肚餓呀」
 
「估到妳啦，妳想食咩先?」
 
「呢D唔係男仔負責諗架咩?」
 
「妳仲有邊到想去丫，去麥當當啦」
 
「哼，算你啦，知道我想食咩」
 
我地兩個係堅尼地城嘅麥當當到，我食我嘅魚柳bell，佢就食豬柳強。每一次我同佢一齊食麥當當，我總係會食到個鼻都有沙律醬，而每一次佢都會幫我抹
 
「妳睇下妳自己丫傻妹，次次都食到成個鼻都係沙律醬」
 
「唔….你記唔記得我地細個果時…..你會…」


 
哥哥望一望四周，發現冇咩人，佢雙手捧住我塊面，然後用咀幫我啜走鼻尖上嘅沙律醬
 
我由細到大都好享受呢一刻，今日我合埋雙眼俾佢錫我鼻尖，而哥哥都錫左好耐。其實一個男仔錫女仔鼻尖，係比錫面更加親密，再進一步的話，就係成為情侶嘅錫咀
 
我地兩個依依不捨咁分開，發現我地兩個都紅面面咁望住對方
 
我笑得好甜咁對佢講「咸濕仔」
 
哥哥聽到之後又彈一彈我個鼻
 
「又彈我個鼻?」
 
「咁我彈慣丫嘛，食好啦，快d返去啦」
 


再一次，佢幫我拎住書包返屋企，而今次我冇刻意同佢保持距離，反而雙手撓實佢行返屋企。係普通人眼中，我地嘅舉動就同一般小情侶冇分別，但係我地兩個都係習慣咁做。
 
去到我地屋企樓下，我地遇上媽咪
 
「慧思妳做咩要阿哥幫妳拎書包呀?」
 
我望住阿哥微笑
 
「咁媽咪妳細個又要契爺幫妳拎書包?」
 
「佢係我撲人，點同呢?」
 
嘩…..媽咪嘅屈功真係無敵，怪不得婆婆話媽咪以前讀書果時係個惡霸
 
「姑姐，唔洗怪阿思啦，今日佢咁攰，我幫佢拎下書包冇咩所謂」


 
我地三個人一齊行入大堂，然後去到平台再一齊行入我地住果一座，我同佢其實，相差只有五層樓
 
「好啦，浩翹，你早d休息啦。今日你照顧左慧思好耐啦」
 
「知啦姑姐」
 
升降機去到我果層，我同媽咪出電梯，再趁媽咪去開門果時，向佢嘟一嘟自己個咀