我倆的緣份，於半世紀前已經開始: 我的寵物

係小息果時，我帶左翹哥哥去買野食，沿途佢真係好似明星咁款，去到邊都有人望佢
 
「你好受歡迎咁喎」
 
「稀有動物咁款，咁妳係咪馴獸師呀?」
 
「你係咪想我做馴獸師?」
 
「一向都係妳似猛獸多D架啦」
 


然後翹哥哥篤一篤我條腰，果到正正係我弱點，係佢篤落黎果一下，我真係尖叫左出黎，仲引黎好多同學嘅目光，之後我伸手拍返佢
 
「喂!!!女校黎架!!!」
 
「又係妳話唔洗扮矜持嘅」
 
「咁你係男仔黎架嘛」
 
「咁妳咪馴服我囉」
 


之後我掹住佢條校太，帶住佢係學校行，應該係話巡遊，因為我問人借左紙同筆，寫住「Charlotte的寵物」貼係佢背後再帶佢周圍行
 
我地呢個動作引黎好多同學圍觀，大家都笑得好開心，唯獨係一位同學唔係太開心
 
佢就係OV
 
「Clodulf!!」
 
「OV?Hello呀!妳今日有冇淋濕呀?」
 


「我當然有濕啦，又冇人孭我返黎」
 
「呀…其實我今日係同…」
 
「得啦，我明嘅」
 
OV講完之後，好失望咁行左返課室
 
我同翹哥哥兩個返到課室果時，佢電話響起，係佢嘅同學。原來佢係黑雨之下冇返到學校，其他同學好擔心佢
 
<喂?咩事打黎呀??>
 
<喂，係邊呀?死得未?>
 
<就死啦>


 
<你係邊呀?我地黎送你最後一程丫?>
 
<我係港真喎，俾一班港真妹圍住>
 
<講咩，俾D圖或者視象我地睇我地就信>
 
然後翹哥哥真係同佢班同學視象通，我地成班都立即走去搶鏡
 
「喂!!!!Queen屎仔!!!!你地好呀!!!!!」有好多同學係到大叫
 
<嘩!!!!等陣!!!!我地著返條褲先!!!!!>
 
<你地又放雀呀?>
 


<係呀!!!!>
 
好快翹哥哥d同學著好條褲之後，又繼續直播俾皇仁睇
 
<喂喂喂!!!!你自己一個係港真，俾咁多港真妹圍住，有冇諗過我地班兄弟感受先>
 
<當然冇啦!!!>
 
<各位真光同學妳地好!!!!>
 
<你地好呀Queen屎仔!!!!!>
 
<沙律係唔係到呀?>
 
點解佢地會識我嘅?


 
<拿拿拿….咪玩野呀!!!!>
 
我一手搶左個電話同翹哥哥嘅同學玩
 
<你地搵我?>
 
<係呀!!!喂兄弟!!!係呢個啦!!!係佢啦!!!!>之後有好多皇仁仔圍哂埋黎
 
<大家一齊打聲招呼，1!2!3!!!程太!!!!!>
 
佢地咁樣講完之後，我果班全班靜哂，而翹哥哥塊面就紅哂咁樣
 
佢地叫我….程太?即係…翹哥哥…對我….