我倆的緣份，於半世紀前已經開始: 一日的女校男生

「咁我而家去邊?OV果班?佢係理科」
 
「程同學，你洗唔洗抹一抹身先?你全身濕哂」
 
「校長，唔需要住，我留係到都幫到妳地手，我頭先見有妳地d同學仲未上到黎，仲有小學部d同學，我可以幫幫手，妳地唔夠男老師」
 
「但係….」
 
「呢個係男仔責任」
 


翹哥哥一講完就同校工仲有幾個男老師出左去接同學，同埋幫小學部手送小妹妹返學校，好快佢地就搞掂哂返黎，沿途已經有講有笑
 
之後哥哥係書包拎出第二套校服
 
「阿哥你有兩套衫嘅?」
 
「妳估我係妳咩傻妹，帶多套校服安全d」
 
哥哥換好校服，校長就同班主任交帶好，就跟我上班房，途中好多其他班別同學伸個頭出黎八掛
 


「你呀…女校男生呀」
 
「估唔到我仲做到喎」
 
當哥哥準備入課室之際，班主任Miss Ho就介紹佢俾大家識
 
「各位同學，有請我地今日黑色暴雨警告下嘅特別嘉賓，李慧思同學嘅契哥…皇仁書院嘅程浩翹同學」
 
當哥哥一入課室果時，我成個課室都充滿尖叫聲
 


「係佢啦!!!!!」「教OV數學果個呀!!!!」
 
「沙律個阿哥呀!!!!!」
 
「呀….Miss Ho…我坐邊呀?」
 
Miss Ho望一望之後
 
「你坐返Charlotte隔離啦，佢係你妹妹，方便d」
 
「係」
 
哥哥坐低後，Miss Ho宣佈自修，而哥哥就拎d功課出黎溫習
 
而我地課室門口，就企滿哂其他班嘅同學，當中包括有d不滿嘅OV


 
Silvia伸個頭埋我身到係到潤我
 
「恨到啦妳，同阿哥一齊上堂啦」
 
「喂，咪咁大聲啦」
 
「妳怕咩俾人知呢，不過頭先OV係外邊好不滿咁望入黎喎」
 
「嗯…我見到呀」
 
「佢應該覺得，Clodulf既然係讀理科，好應該過佢果班到sit堂嘅。但係校長又叫人去我地文科班到坐，佢真係好不滿啦，但係又唔可以抗旨喎」
 
「嗯…係校長嘅主意，冇辦法架」
 


「所以呢，妳就應該趁呢個機會去宣示主權，話俾人知，Clodulf係屬於妳嘅」
 
我碌大雙眼望實肥鴿，咁樣即係同OV宣戰冇分別喎
 
「即要同OV開戰?唔可以架」
 
「妳份人呢，就係太為人著想啦」
 
「其實我唔想搞到大家冇朋友做者」
 
「咁有咩辦法?」
 
「等我再諗諗啦」
 
「不過呢…Clodulf孭妳返學果一幕呢，已經深深刻係大家心中架啦」


 
「下…..妳地….妳地睇到哂?」
 
「好難睇唔到喎」
 
「唔怪得OV咁有殺氣…」