係中央圖書館,我地幾個依舊同翹哥哥仲有幾個Queen屎仔係到溫書,我地由純粹去睇OV拍拖到變成左溫習圈子
 
每星期我都收到翹哥哥扔俾我嘅皇仁文科Notes,不過今日,係佢附近出現左幾個女仔
 
佢地著住藍色旗袍,坐左係我地附近,仲不停望過黎我地果邊。然後,其中一個女仔過左黎
 
「喂Clodulf!」佢拍一拍翹哥哥膊頭示意佢黎左
 
「唔?Winnie?今日冇俾我媽咪留低咩?」
 


「Miss Lam今日冇呀,所以我地幾個咪落黎囉」
 
「咁難得呀?妳地係咪要劏雞還神」
 
「Miss Lam話間唔中要放我地休息下嘛」
 
「又唔見佢會咁同我講嘅」
 
「唔…我唔阻你溫書啦,今晚上網見啦」
 


「妳肯定我會上網?」
 
「我肯定你會,嘻嘻」佢食隻手指點一點翹哥哥鼻尖後走左去
 
然後大家都望住我,而我都散發出恐怖雞三世嘅氣息
 
我望住翹哥哥,佢好似好回味咁樣,所以我搵野扔佢
 
「妳做咩呀?」
 


我再扔(係我d藥,因為我地之後覆左一次診)
 
哥哥睇一睇錶,提醒我夠鐘食藥,於是佢又走過黎我果邊
 
「阿思,夠鐘食藥啦」
 
「呵!乜你仲記得我架咩」
 
佢仍然係矇然不知,正一7L矇矇食甜筒,所以我仍然嬲爆爆咁款
 
OV非常好心咁提翹哥哥「Clodulf呀….沙律佢發脾氣啦」
 
「咩事?」
 
「頭先果幾個英華妹…」


 
「哦!媽咪d學生黎架嘛」
 
「沙律就係不滿呢樣野囉」
 
「就係咁咋?」
 
「去氹返人啦」
 
我嬲爆爆坐係位到溫書,其實邊溫得落丫,突然有女仔黎搵佢喎,之前又話唔識女仔
 
「思思,做咩黑哂口面呀?」
 
「果個女仔邊個黎架?你同佢咁好傾嘅?」
 


「Winnie?佢係媽咪d學生」
 
「5D孫嘉怡係唔係?」
 
「唔?妳識佢?」
 
「佢知唔知我媽咪係邊個」
 
「我當然冇講啦,乖啦,夠鐘食藥啦」
 
我將塊面擰過窗口,望住馬路
 
「唔食」
 
佢又將個頭伸過黎


 
「食藥啦」
 
我又再擰去另一邊,鼓起泡腮,雙手撓係胸前
 
「唔食!除非你餵我!」
 
呢句我講得比較大聲,所以OV佢地幾個都望一望我
 
翹哥哥就好尷尬咁樣說服我食藥,因為佢知道我D大小姐脾氣又黎啦,當然,係遺傳自媽咪
 
「餵….餵妳呀?」
 
「唔餵就算,我唔食藥,哼」
 


哥哥見騎虎難下,所以就係圖書館內餵我食藥
 
「打開口啦思思」
 
「呀…」
 
食完藥,我又係開始問佢拎獎勵啦,又要用手肘撞下佢
 
「唔!」
 
「做咩呀?」
 
「錫返我囉」
 
「呢到?」
 
「係啊」
 
「好多人喎」
 
「你係咪怕俾個英華妹見到丫?」
 
「但係…」
 
「哼!我今晚唔食藥」我又擰埋一邊
 
「今晚錫返妳啦」
 
我呢個係一個好時機,我嘟長自己個咀同佢講,錫呢到
 
「咀?」
 
我繼續嘟長個咀,佢應該差唔多出絕招架啦
 
「唉….今晚買糖水俾妳啦,妳黎完M未呀?」
 
「你…你想點呀….」
 
「妳M未完就唔會買凍野妳食,明未?」
 
「完左啦」
 
「不過妳都係食熱野好D」
 
「算你啦,識體諒我,坐我隔離溫書,快D」

係哥哥去執野過黎果時,我望一望個Winnie呢個英華妹。佢果然有少少黑面,睇黎佢真係想同我爭翹哥哥啦
 
當我去洗手間時,OV同肥鴿就捉住我
 
「嘩,佢餵妳食藥呀?」
 
「有有問題咩…由細到大都係佢氹我食藥架啦」
 
「呀….妳地兩個真係好Sweet呀」
 
「sweet咩者…佢成舊飯咁樣…一日到黑都對住d書」
 
「會唔會係遺傳呀?」
 
「唔會囉」
 
「可能妳咁多年黎都係佢身邊,佢冇當妳係女仔呢」
 
「咁點呀?」
 
「我地黎個沙律大改造!!!」