我倆的緣份，於半世紀前已經開始: True or dare

「哦!Silvia呀….妳揀true定dare?」
 
「唔……….」一向大膽嘅肥鴿一定係揀dare
 
「dare!!!」
 
果然冇令大家跌眼鏡!!!真係揀dare
 
一向屎橋都好多嘅同學，就拋左個好大膽嘅遊戲出黎
 


「妳走去問果個Queen屎仔咩名!!有冇女朋友」
 
邊個呀?睇一睇，當哥哥一望到之後，佢露出興奮表情
 
我伸個頭埋佢身邊問佢
 
「邊個黎架?」
 
「校草丫嘛，A0」
 


「佢鍾意D咩type女仔先」
 
「肥嘟嘟，好似肥鴿呢款，有d肉又唔會太瘦」
 
肥鴿好囂張咁起身
 
「去…去咪去囉」
 
一向大膽嘅肥鴿，如今竟然會咁細膽
 


肥鴿指一指校草，我地全部人一齊點頭
 
然後怕羞嘅佢不停咁擰頭，我真係第一次見肥鴿會咁怕羞架
 
為左俾佢完成任務，翹哥哥起身大叫
 
「校草!!!!你後邊個妹妹有野搵你呀!!!」
 
校草轉頭望一望，同肥鴿四目交投，然後肥鴿鼓起勇氣問佢
 
30秒後，肥鴿面紅紅咁飛返黎
 
「好啦，佢叫咩名呀?」
 
「佢係 Stephen Kong，冇女朋友，得未!!!」


 
「啱唔啱呀Clodulf?」
 
哥哥點一點頭示意，果時肥鴿塊面紅過關公
 
佢一坐低，大家就爭住恥笑佢
 
「好啦!!!下一round!!!」
 
個樽轉呀轉，今次又轉到OV身上
 
「好啦 OV!!揀true定dare?」
 
OV今次真係慘囉，佢揀邊一樣都死架啦
 


「我….揀true啦….」
 
Yeah!!!!大家最期待嘅事出現啦!!!!
 
「好啦OV，我地只係想問妳，有冇同Vincent…啜啜過」
 
「喂喂…d問題咁架」
 
「係妳自己揀true架喎」
 
「呀…我地…唔….」
 
大家一齊望實OV
 
「有…」


 
「Woo~~~」現場出現左好多三眼仔
 
「下…下一Round啦」
 
OV用力一轉…個樽又轉呀轉….終於轉到我面前
 
今次XX了….平時我都玩得人多啦，今次我仲唔俾人玩返轉頭
 
哥哥一面花生樣望住我，係到幸災樂禍咁
 
「沙律….妳…揀true定dare呀?」
 
佢地成班一面奸樣，好明顯佢地為我準備定唔少「節目」
 


「true…true啦…」我想像唔到揀dare佢地會要我做咩
 
「true呀?等等先….好!沙律妳聽實問題啦」
 
「係….」
 
「現場有冇妳鍾意果個男仔係到，我係指妳想佢做妳男朋友或者老公果種」
 
佢地呢條問題係非常尖銳，而且佢地都知道，我鍾意果個男仔就坐係我隔離
 
答有就俾哥哥知道，答冇嘅話又唔知點好….
 
「呀……有….」
 
「咩話?大聲d?」
 
「有…」
 
「Complete sentence please」
 
「有呀，我鍾意果個男仔係現場呀!!!」
 
今次我應該連個身都紅哂
 
然後又傳黎一大堆三眼仔聲音
 
望一望哥哥個樣，佢愛理不理咁樣，我真係唔知佢想點啦
 
「下..下round」
 
我拎起個樽又轉….轉呀轉………
 
唔係呱…….又係我?!