我倆的緣份，於半世紀前已經開始: 燒雞翼

燒野食真係幾香，特別有我呢個大食精係到，加埋肥鴿，大家都好開心
 
不過係時候加炭啦
 
「要加炭啦喎，邊個負責?」
 
我身先士卒落手之際，肥鴿叫停我
 
「等陣啦，會有人幫我地架啦」
 


「邊…邊到會有人幫我地呀?」
 
肥鴿企起身，大叫「程生!!!!程太叫你過黎加炭呀!!!!!!仲唔快d過黎?」
 
在場兩間學校N對眼一齊望過黎，睇下我地呢對青梅竹馬嘅兄妹會點，其實好多人都知道我同哥哥之間嘅關係，不過我地係第一次兩間學校嘅同學面前同時出現
 
哥哥慢慢起身，走過黎拎左我對手套，幫我地加炭，然後拌火，之後返埋位，繼續鋤DEE
 
「下?就咁咋?」
 


我面紅紅對住肥鴿「唔係妳想點呀?」
 
我好專心咁係到燒牛扒同金沙骨，呢兩樣係我燒野食最愛，當然仲有雞翼啦
 
係我好想食雞翼之際，有隻翼伸左過黎，我亦都順勢自己打開口咬左雞翼一啖，然後班同學流出羨慕之眼神
 
「做咩呀?」
 
「羨慕死人啦沙律，人地燒雞翼俾妳食呀」
 


我抬頭一望，原來係翹哥哥燒俾我食
 
「你自己唔食?」
 
「妳食先啦，俾D野我幫妳燒」
 
佢講完之後就坐係我隔離
 
「唔?果邊唔好玩咩?要過黎我地呢邊?」
 
「我過黎係保護自己，佢地就快開始玩水架啦」
 
「玩水?」
 
「冇錯，妳就快見到男校最痴線嘅一面，妳地D女校應該冇我地咁癲」


 
哥哥呢句話未講完，已經聽到有男仔慘叫
 
佢地將枝水就咁打開人地件衫咁倒入去
 
「嘩….咁 變態嘅?!」
 
「所以Vincent已經著草去OV到，我都拎哂野過黎」
 
「佢地連水槍都唔用呀?」
 
「水槍係佢地面前，係咩用都冇」
 
唔單止濕身，D男仔仲玩到除褲，原來呢個就係男校生活
 


不過都有D男仔走黎主動識我地D同學嘅，而老師應該就係杜絕呢D情況發生，不過我地D老師都唔理我地Lu
 
去到中段，有同學提議玩true or dare
 
當我一聽到玩呢個遊戲果時，我同哥哥立即起身逃走。可惜失敗左
 
「Clodulf，你唔係瀨低沙律一個人玩呀?」
 
我地一班女仔用好誠懇嘅眼神望住佢
 
「好啦好啦，咪玩咁癲呀」
 
「妳地呀!!!阿哥學校係到架!!」
 
「得啦沙律!唔會蝦妳個寶貝阿哥嘅」


 
佢地拎左個可樂樽，樽頭指中果個，就要揀true or dare
 
一轉…轉轉轉轉轉
 
中左隻鴿