我倆的緣份，於半世紀前已經開始: 我們的合照

「喂喂，夠鐘巡遊啦!!」
 
我拉住哥哥跑到去小鎮大街坐低睇。每一次我地兩個都好開心，每一次我地總係帶住歡笑同埋好多相離開
 
到夜晚嘅時候，到Halloween時間啦!!吸血彊屍米奇，仲有其他人身出黎玩啦
 
所有人物都化身halloween版本，所以我又要由頭排多次隊同佢地影相
 
夜晚嘅城堡，比起日頭果個仲靚，哥哥幫我地影左幾張之後，就有工作人員埋黎
 


「先生，洗唔洗同女朋友影返張呀?」
 
「下…呀…其實….」突然間俾人誤會，個感覺唔知點，但係哥哥佢又唔介意咁
 
「好呀，麻煩哂」
 
佢將部相機交俾工作人員，當然人地都要賺錢啦。首先人地用公園部機幫我地影，之後先用我地部機
 
「先生，唔好咁怕羞啦，你可以攬實女朋友架」
 


「呀…我地…」
 
翹哥哥佢好快行去我身後，從後攬實我
 
「咔嚓!」好快就影左兩部機
 
攝影師俾左張咭我地去拎相
 
我地兩個睇返張相，相中我地兩個笑得好甜，完全係發自內心嘅笑容，彷彿我地就好似一對情侶一般
 


「思思，妳覺得張相點?」
 
其實我真係好想要嘅，但係差唔多成100蚊
 
「我都係覺得你影得好睇d」
 
「唔….要兩張丫唔該」
 
我望一望哥哥，佢已經好快俾左錢
 
「做咩買兩張呀?你影果d咪幾好」
 
「因為我知妳想要」
 
「邊…邊到有喎…」


 
但係我同佢講果時，自己不其然地流出開心的微笑。點解佢可以咁瞭解我?咁樣係咪證明我係佢心中地位唔低?不過…如果佢真係當我係妹妹咁點，就係呢個原因，我一直唔敢同佢講「我鍾意你」呢四個字
 
終於玩到9點，我地兩個爛玩精先捨得走，係地鐵上，我挨住哥哥膊頭瞓著左，忽然我感覺到額頭俾佢錫左一下
 
搭左好耐車，搭到屁股都痛先係香港站落車。我地拖住手慢慢行返去中環轉車，期間都冇出過聲，咁樣係咩意思呢?佢當我係妹妹定係佢真係想我做佢女朋友?
 
今晚，佢送到我去屋企門口
 
「你仲唔返上去?我係屋企門口唔會有意外喎」
 
「唔…我想…睇住妳入去先放心」
 
「咪傻啦，我屋企有猛獸咩?」佢又係到氹我開心，不過我咁樣講完，佢同我都意識到，我屋企真係有猛獸係到
 


「一陣妳又見到D場面，我怕妳又怕羞上黎我到」
 
「唔會呢，點會，而家10點半之嘛」
 
「唔…….」哥哥仲係唔想走
 
所以我走近佢，又Gut高腳錫左佢塊面一下
 
「拜拜」
 
不過當我一打開門，又見到媽咪係到蝦Daddy啦
 
佢地兩個相處之道，由識果日到而家都係冇變，羚羊豬西之聲未曾斷過