「你早d瞓啦」
 
「妳都係啦」
 
返到屋企沖完涼,拎返張相出黎睇
 
我同佢…真係好襯
 
我立即進入沉思當中
 


「張相…影得幾好喎,妳睇妳笑得幾甜?」
 
「媽…媽咪?!妳幾時入黎架?!」
 
「妳唔好理啦,今日開心嘛?」
 
「咪又係好似平時咁樣」
 
「慧思呀,媽咪話如果…如果下」
 


「如果咩?」
 
「浩翹真係話想娶妳,妳會點答佢?」
 
「咁…點呀?我同佢又未拍拖….唔知架…」
 
「媽咪係指,佢而家入黎話要娶妳,妳會點?」
 
「我….我咪嫁俾佢囉…唔係點喎」
 


「妳個傻女真係傻得好可愛」
 
「做咩咁問呀媽咪?」
 
「我同契媽無意中,係學校聽到話Winnie真係好鍾意人地囉,所以媽咪通知妳一聲」
 
「咁….哥哥真係唔揀我都冇辦法架…」
 
「妳契媽聽到之後呢…就諗過去阻止Winnie嘅,但係佢又冇做到」
 
「點解嘅?」
 
「佢打算俾妳地d後生仔自己決定」
 
「嗯….我知啦」


 
我返到學校,就見到肥鴿佢一個人望住電話傻笑
 
「喂!」我好大力拍佢一下
 
「嘩!!!」佢嚇到成個彈起
 
「妳洗唔洗咁大反應呀?搞咩對住電話咁開心?」
 
「冇….冇呀…」
 
肥鴿咁嘅樣,一定係有事
 
「哦~妳同校草傾到好埋呀?我明嘅我明嘅」
 


「邊…邊到有喎,大家傾下計者….」
 
「但妳傾到春光滿面咁囉」
 
肥鴿摸一摸自己塊面
 
「真架?」
 
「係呀」
 
「唔……同佢好好傾咁囉…」
 
我篤一篤佢塊面「妳拍拖啦妳~有心上人啦」
 
「車….好奇咩…..妳夠係囉!!!旅行之後果日妳地兩個去左邊呀?」


 
「咪迪士尼囉,我同佢成日都去架啦」
 
「仲未有突破性進展呀?」
 
「邊得黎咁易丫…」我托住個頭望住窗外
 
「正常黎講,妳近水樓台應該好易搞掂喎」
 
「我婆婆同媽咪當年咪又係咁……」
 
「妳地三婆孫呢d係咪叫命運呢?三婆孫都愛上佢地三爺孫,真係好似愛情小說」
 
「邊係呢….」
 


「我幾怕妳上個月就開始要唱『電燈膽』呀」
 
「點解呀?」
 
「下!?呢首歌係鄧明步嘅首本名曲黎架喎!未聽過?」
 
「真係未丫嘛…」
 
「等陣…我立即搵俾妳聽….得…妳聽下」
 
假使不能公開妒忌 學習大方接受
同行時要殿後 誰冷落舊朋友
節曰約我三位一體的慶祝
沿途明亮燈飾閃影著沉重
言談愈熾熱內在更冰凍

誰當初無心將兩方撮合
然後留低只得這寂寞人
仍是你們密友
呆望你們熱吻應該傷感還是快感

能回避嗎我怕了當那電燈膽
盯著你們來來回委曲中受難
一個我被撇低卻又很不慣
要走的一剎又折返

能承認嗎我故意當那電燈膽
他若你們完場時若替也不難
善良人埋藏著最壞的心眼
妄想一天你們會散會選我嗎

啦啦..啦啦..啦啦..啦啦啦..

對換了你身份可應該滿足
情人還是知己都擁入懷抱
同情或眼淚讓別個得到

留低的原因一世的秘密
其實明知只得我是外人
仍是你們密友
呆望你們熱吻應該開心還是痛心

能回避嗎我怕了當那電燈膽
盯著你們來來回委曲中受難
一個我被撇低卻又很不慣
要走的一剎又折返

能承認嗎我故意當那電燈膽
他若你們完場時若替也不難
善良人埋藏著最壞的心眼
妄想一天你們會散會選我嗎
 
我一聽到之後就望實肥鴿,點解佢搵歌可以搵到咁準架
 
「話左妳架啦,妳差D將人地送左俾OV」
 
「咁….而家OV都有Vincent啦,妳都有校草啦」
 
「啦啦啦,我同校草呢,就未開始,而且妳唔好兜去第二度講」
 
我再擰塊面去窗口,慢慢飲果杯我剛買嘅熱奶茶
 
「做咩飲奶茶呀?自己要補奶定係想陪人地飲呀?」
 
「咁…我平時都同佢交換野飲架啦…」
 
呢個時候,OV走左過黎我地班房,佢應該係打探肥鴿同校草嘅事嘅
 
但係佢一見我個年初四樣,就改變主意啦