我倆的緣份，於半世紀前已經開始: 我班八掛同學

「Charlotte，妳同Clodulf….仲係咁呀?」
 
我冇力咁點一點頭
 
「明明….去旅行果陣已經暗示佢知….daddy可能會送我去澳洲讀書…我問佢會點」
 
「佢點答呀?」
 
拿拿拿，一到呢d八掛事呢，就會突然間全班都黎哂聽架啦
 


「佢…佢話如果我真係要過去，就等我返黎喎」
 
「咁如果妳唔返呢?」
 
「佢話….陪我過去…佢係果邊讀醫科…係澳洲做醫生…」
 
一聽到我咁講，成班都係到大叫
 
「佢好浪漫呀!!!!!」「妳男朋友真係好呀!!!!」
「仲有呢仲有呢?」


 
「之後?我…我咪話…不如…不如…」果刻真係怕羞到極點
 
「講啦!!!」
 
「我咪話我幫佢係澳洲…生小朋友囉」果句咁肉麻嘅野我竟然講得出口
 
「嘩!!!!!!妳咁快想做媽咪啦!!!!!!」「沙律妳曳啦!!!!!!!」
 
「大家冷靜!!!!!咁佢點答呀?」


 
「佢…佢話我真係冇人要先算」
 
大家都開始為我心急，其實都係F.5者….唔洗心急架……但係未試過著校服拍拖…果種青春….唔….
 
「究竟佢係咪鍾意妳架!?」
 
「我都唔知…可能佢真係當我妹妹」
 
「OV呀!妳叫Vincent問下啦」
 
「下…..其實……佢地一班queen屎仔早就知道…Clodulf係有心上人….」
 
「邊個呀!!!」「對方咩人馬呀!?」
 


肥鴿好冷靜咁向大家解答，我真係唔明佢究竟同校草傾計傾D咩
 
「Clodulf鍾意果個女仔呢，就識佢好多年架啦，有時呢，果個女仔都唔知自己做過呢d野」
 
「即係點呀?快d講啦」
 
「Clodulf點解由細到大會揀男校呀沙律?」
 
「唔…..契爺話佢鍾意同男仔玩多」
 
「下!!!佢Gay架?」
 
「冷靜冷靜…..Clodulf唔係gay嘅，咁呢個問題係我八掛想知者」
 
「車!!!!」


 
「好啦，返入正題，Clodulf家姐邊間中學?」
 
「咪…英華女校囉」
 
「咁佢哥哥呢?」
 
「唉…浩揚哥哥係讀英皇書院，佢女朋友家琪姐姐都係讀英華女校，仲要係佢媽咪果班，我媽咪都有教過佢」
 
「嘩…..佢真係成家都鍾情英華妹架?」
 
我好無奈咁點一點頭
 
「咁點解Clodulf唔係讀King屎，而係要搭車黎讀Queen屎?」
 


「可能佢貪近維園，方便打波嘛，再唔係就近電車站，佢好鍾意搭電車」
 
肥鴿反哂白眼咁望住我
 
「李慧思呀!!!妳用下妳個腦啦好唔好呀!?」
 
「有…有咩問題?」
 
「Queen屎附近有咩學校呀!?」
 
「咪…st.paul囉….格仔裙最迷人嘛」
 
「仲有呢?」肥鴿果陣好似嬲到一個點，想打人咁
 
「呀……我真係唔知啦」


 
「快d開估啦肥鴿!!」