我倆的緣份，於半世紀前已經開始: 終於......

「李慧思，我同妳講，我唔理我地屋企上兩代發生過咩事，但係我鍾意果個係妳，我係氧氣箱果刻已經鍾意左妳」
 
「你…你都唔知係咪講真….你點會記得….」我雙手係空中到揈揈下
 
佢捉實我雙手…再一次
 
「唔…唔…唔….」
 
佢唔再俾我講野，其實我果時都唔知自己講緊乜野，一向牙尖咀利嘅我，如今竟然唔識講野
 


我地兩個合埋雙眼，呢個時間只有我地兩個人
 
我雙手由想反抗打佢心口…到攬實我面前呢個鍾意左16年嘅大哥哥，原來一直以黎，我同佢之間唔係兄妹情，我地互相都鍾意對方
 
我地由輕吻，到激吻(即係法蘭西多士呀)
 
我雙手由俾佢捉住，到攬實對方
 
我地應該錫左大約3分鐘左右，先慢慢鬆開
 


我攬實眼前呢個男仔，好怕佢會走左去
 
我個頭貼住佢膊頭(其實我企高左一級)
 
我地兩個靜靜地唔出聲，直到佢開口講野
 
「思思…..呢個星期...我好掛住妳」
 
「嗯…我都係…」
 


「點解妳唔黎搵我呀?」
 
「咁…我以為你果晚…會再同我講架嘛…你又成碌木咁樣…」
 
「咁妳應唔應承我呀?」
 
我笑住同問佢
 
「應承你d咩呀?我唔知喎，你唔係追緊Winnie咩?」
 
「呀…妳仲要我講呀?」
 
「咩喎，咁….我未聽過丫嘛」
 
「思思，我鍾意妳，妳可唔可以做我女朋友?」


 
「唔……你想呢?」
 
「咁妳唔想…我地唯有做返對兄妹啦」
 
「咩…咩兄妹呀!!!你…錫完我…拎左我初吻就算呀!!!」
 
「我好似唔係第一次錫妳啦喎」
 
「咩呀!!!!我講緊7歲果年呀!!」
 
「咁妳應唔應承我?」
 
「得啦!!應承你啦!!!我….等左你16年啦」
 


「係16年兩個月」
 
「唔….你真係日日都計住?」
 
「冇錯」
 
我地兩個再一次錫左一陣
 
“咕…….”
 
「喂..阿哥…我肚餓啦」
 
「妳仲叫我做阿哥呀?」
 
「唔好咩…」


 
「妳鍾意點就點」
 
我地拖住手行去食野
 
「你唔後悔?我應該會比起媽咪更勺蠻喎」
 
「妳係我個公主，勺蠻d有咩所謂?」
 
「點解你咁錫我嘅?」我笑笑口問佢
 
「錫自己個老婆有咩問題?」
 
「我幾時有話嫁俾你呀?」我又怕怕羞羞咁唔望佢，其實我同時又好開心
 


「丫…妳上次唔係話幫我生小朋友咩?」
 
「幾…幾時有呀?」原來佢咁留心我講過咩
 
佢攬實我係到問
 
「想生幾多個?」
 
「嗯…兩個算啦…」
 
「兩次孖胎?」
 
「孖胎?你睇下雪晴姨姨果陣湊兩個幾辛苦…你傻左咩」
 
「唔…」
 
「而且陀孖胎好辛苦架」
 
「咁唔好生囉」
 
「唔得喎…你爺爺…同我婆婆一定好想見到我地生小朋友」
 
我地拖住手去食野「傻妹妳又想食麥當當?」
 
「嗯…我好鍾意你錫我鼻尖」
.
同哥哥一齊食野，感覺真係好甜，再一次，佢錫我鼻尖，但係我地兩個已經唔係兄妹關係
 
拖住手行返屋企，呢個動作我地咁多年黎試過無數咁多次
 
但係而家總係特別甜
 
返到我屋企門口，我攬實哥哥唔想佢走
 
「做咩呀傻妹?」
 
「唔…唔想返去呀」
 
「我住樓上五層之嘛，聽日咪又有得見面囉」
 
「咁…我地話唔話俾屋企人知道呀?」
 
「妳想呢?」
 
「我由細到大都冇野瞞到媽咪…佢點會唔知我拍緊拖者..」
 
「咁妳D姊妹呢?」
 
「唔講呀…佢地實會笑我」
 
「嗯…夜啦…返入屋啦」
 
「唔制…錫多次先啦」
 
「係呢到?」
 
「咩喎….上星期你夠係到錫我啦」
 
哥哥好快咁錫落我到，我都好熱烈咁回應佢，點知…我地拍拖唔夠幾個鐘，我地屋企人(除左婆婆同男性生物)就知道哂