忽然我地feel到雙方電話震一震,大家都拎部電話出黎睇
 
Sent訊息俾我地嘅分別係媽咪同契媽,兩部電話訊息都係一樣
 
「錫夠啦,上去/返黎幫手處理SOGO戰利品」
 
我同哥哥對望左一眼,屋企對門就開左,媽咪同契媽好平靜咁行出黎
 
「媽咪…契媽」「媽咪…姑姐」
 


媽咪用個不屑嘅眼神望一望我地
 
「行啦,慧思妳買左好多野,浩翹幫手拎落黎」
 
「知…知道」
 
係lift內,媽咪同契媽係到潤我地兩個
 
「姐姐,佢兩父子係咪都係咁樣?同一方法?」
 


「呢d咪叫遺傳囉,兩次都係著住校服」
 
「唔?小學果次妳都係著校服咩?」
 
「係呀」
 
我地兩個好尷尬咁跟住係媽咪同契媽身後,入到屋之後…已經見到雪晴姨姨係到,媽咪先再開口講野
 
「兩個坐低」
 


「係…係…」
 
出現啦!!!英華女校訓導主任加生物科科主任同埋雪晴姨姨,三個恐怖雞嘅愛徒一齊坐係我地面前
 
「媽咪….姑姐….阿姨…我對慧思係…..認真架….」
 
「媽咪呀….」
 
媽咪同契媽靜左好耐先肯開口
 
「浩翹」
 
「係...姑姐」
 
「我得慧思呢一粒女,所以我先送佢入女校,希望殺盡佢身邊所有男仔….」


 
「係…」
 
「點解你仲要埋佢身?你唔怕你地有一日分開會面阻阻?」
 
哥哥拖到我實一實「我唔怕,因為我唔打算離開慧思,如果佢出年要去澳洲讀書,我會跟埋佢過去」
 
我望一望哥哥,睇黎佢係講真
 
「如果佢唔返黎呢?」
 
「我就係果邊陪佢一世」
 
「如果我同爸爸唔供你過去呢?」
 


哥哥望實契媽
 
「我…最多求大姑丈佢地幫我,再唔係我自己申請獎學金」
 
「慧思妳係咪一定要揀浩翹?一定要學婆婆同媽咪咁樣?」契媽問果時果樣好擔心
 
「係!」
 
「點解!?點解妳要咁似我同婆婆?媽咪唔想妳受返我同婆婆之前受嘅苦呀」
 
我第一次…第一次見到媽咪喊
 
「詩敏妳冷靜d先啦」
 
「姐姐呀…妳果陣都睇住架啦,我唔想…唔想個女再受苦呀」


 
「浩翹!你係咪真係會一心一意對慧思?阿姨嘅問題只有呢一個」
 
嘩….雪晴姨姨好惡下
 
「係阿姨!我鍾意左慧思16年,我唔會呃佢」
 
雪晴姨姨望一望我地
 
「家姐…詩敏姐姐,我pass」
 
「你地兩個,知唔知我地擔心D咩?」
 
「我地都知…..但係..」
 


「妳地兩個肯定?唔反悔?」
 
「契媽妳都係9歲果年同契爺私訂終身…18歲就決定嫁俾佢…其實我都係差唔多…」
 
「浩翹呢?」
 
「媽咪,我幾時有呃過妳?我一直都得慧思一個心上人…」
 
契媽望一望媽咪之後
 
「詩敏,佢地過我果關,得返妳一個,妳可以反對佢地」
 
「媽咪呀……」
 
「浩翹你真係會一心一意對我個女?」
 
「一定會」
 
「我要你一世好好對佢,好似….你爸爸對我同你媽咪咁樣,可以?」
 
「可以」
 
「唉…………」媽咪望一望我,由佢眼神我睇到,佢批准啦。所以我嘅大小姐脾氣又黎啦
 
「快d批准啦,再唔批准我去做尼姑做修女架啦」
 
媽咪碌大隻眼望實我
 
「妳……都係妳daddy寵到妳咁樣」
 
「媽咪妳14歲果年咪又係咁同公公講野,快d俾啦」
 
「總之妳地兩個唔好搞出事啦」
 
「妳地兩個真係兩母女黎……」
 
「咩…咩呀!!!雪晴妳兩個女咪又係咁」
 
「咩呀!!家姐教佢地架」
 
「下!!妳瀨我!?」
 
果然三個女人一個墟,呢三個婆婆嘅學生真係好巴渣,點解會有人話佢地係好溫柔嘅校花?