我倆的緣份，於半世紀前已經開始: 我叫戰鬥暴龍!!

「喂熙哥，當年你追詩敏果陣佢幾多歲?」
 
「幾多歲呀?呀……諗下先……13?好似唔係….」
 
今次daddy小命不保啦
 
「你連我幾多歲開始同你拍拖你都唔記得呀?!吼……..」
 
「1….14歲!!!係…14歲開始同我拍拖…..好彩記得」
 


「阿熙，咁慧思14歲拍唔拍得拖?」
 
「唏，邊到有人會睇得上佢丫，佢脾氣咁似佢媽咪」
 
「似我又點呀?唔好咩!?個女之前都不知幾多人追呀」
 
「妳都識話之前啦，而家阿女有人追緊咩?慧思….咦?」
 
Daddy終於見到我同哥哥撓住手咁坐
 


「daddy…我已經冇人追啦….因為….」
 
「唔?下?唔?」佢仍然係一舊飯咁
 
「daddy…我拍緊拖啦…我同翹哥哥拍緊拖…..」我講果時面紅紅低哂頭
 
「幾….幾時嘅事?」
 
「尋….尋晚….」
 


「等一陣先，等我Load下先…妳話妳同浩翹拍拖，係尋晚開始」
 
「係呀daddy…..」
 
Daddy望一望其他人
 
「點解我好似係最後一個知道咁?」
 
「因為老公你豬兜囉，個女好細個已經痴到浩翹實一實啦，你而家先知呀?」
 
「頭先我地俾哂暗示你架啦，你真係…」
 
「下?老婆…個女拍拖喎!」
 
「有咩問題?個女16歲啦」


 
「但係….呀….」
 
「而家唔係要你批准，係通知你，個女同緊浩翹拍拖，明唔明?」
 
「明…」
 
媽咪轉身望住我地
 
「daddy批准啦」
 
「知道啦媽咪!!」
 
Daddy望一望哥哥，就開口問
 


「浩翹你爸爸當年叫你媽咪做 BB豬啦，阿翀就叫雪晴做晴晴啦，我叫我老婆做豬西啦….」
 
「係…」
 
「咁你點叫慧思呀?」
 
我好期待佢會叫我思思豬呀之類好甜嘅名….點知…
 
















「戰鬥暴龍」

 
下!?戰….戰鬥暴龍?