我倆的緣份，於半世紀前已經開始: 比我更興奮嘅姊妹

星期一朝早，哥哥黎接我返學
 
門一打開，我已經好開心咁捉實佢隻手
 
「有冇掛住我?」我笑嘻嘻咁問佢
 
哥哥點一點我個鼻
 
「冇」
 


「下!!!!你唔掛住我架!!」
 
「同妳日日都有得見嘛，想見妳果時咪走落黎囉，係唔係?」
 
哥哥講野永遠都係咁甜，定係我聽到覺得甜呢?
 
我地兩個手拖手返學，哥哥本來想幫我拎書包，不過我唔俾
 
雖然著校服拍拖係好青春，不過太親蜜都唔好啦，會影響校譽
 


但係上星期我地兩個先著住校服黎左個激吻……
 
返到大坑，哥哥點都想送我返上山到
 
「你送左我上去就遲到架啦」
 
「唔….想見妳耐D嘛」
 
佢咁講一講我塊面又紅左D
 


「咁一陣食飯都見架啦，你唔係話我地分唔開架咩」
 
「唔…咁妳自己行上去小心D喎」
 
「得啦，我由幼稚園就係到讀架啦，你少擔心我啦」
 
「嗯…」
 
我行左幾步後回頭，哥哥仍然企係到
 
我行返去佢面前
 
「做咩仲唔入學校呀?」
 
「唔……」


 
可能哥哥心入邊諗嘅野同我一樣，我地兩個望一望四周冇人之後，再輕吻一下
 
「留心上堂呀，我等緊你呢個醫生老公架」
 
「我….幫妳叫的士丫」
 
「的士?唔好啦，平時我地就話4個人夾錢…」
 
未講完哥哥叫左部的士，放左我上車
 
「大坑真光」然後放低錢俾我，之後佢先返入皇仁
 
不過係呢個時候，就吸引到OV同肥鴿上車
 


「唔該Clodulf，拜拜」
 
係車上邊，佢地兩個望實我
 
「喂，做咩個樣春光滿臉架」
 
「邊….邊有喎」
 
「星期五妳地做咩黎?講!」
 
「下….我咪同佢返契媽到囉」
 
「妳地兩個好似已經唔再係兄妹咁簡單啦喎」
 
落車之後我繼續受到佢地兩個盤問


 
「點呀Charlotte，妳唔認，一陣佢係皇仁就俾人迫供架啦」
 
「下….佢地想點呀….」
 
「快d招供啦」
 
「係啦係啦……我同哥哥….一齊左啦」
 
「Woo~! I ‘m so proud of you!!! Charlotte!!!!!」
 
「拋妳個死人頭呀死肥鴿，妳夠有校草啦」
 
「咁沙律呀，佢點同妳講架?」
 


「下!!!仲要問?」
 
「講啦講啦….」
 
我將星期五晚嘅事講哂佢地知道
 
「呀!!!!!妳地好大膽呀!!!!係屋企樓下就黎個激吻，仲要攬到實」
 
「喂…細聲D啦….」
 
「呀….沙律妳就好啦，咁快得到屋企批准，妳幾時打算搬上去住呀?」
 
「搬上去?邊洗呀?咁近」
 
「將來返娘家都快D囉」
 
「好啦好啦，唔玩啦」
 
「妳終於修成正果囉」
 
「咩…修唔修成者…我地大家一直鍾意對方…」
 
「不過….」OV好似有事擔心咁