我倆的緣份，於半世紀前已經開始: 識得擔心我嘅好姊妹

「咩事呀OV?」
 
「果班英華妹…會唔會痴住Clodulf架?」
 
「嗯….咪由佢地囉….反正我地唔想咁多人知道，我絕對相信哥哥」
 
「妳睇下妳丫，成個程太咁款啦妳」
 
「咁沙律妳婆婆仲未知呀?」
 


「唔…..做冬果時先講佢知啦….不過我怕joint school talent show佢就知道啦」
 
「係喎，妳又話上台表演?」
 
「唉…咪提啦，我要幫媽咪同契媽手呀」
 
「咩事呀?」
 
「英華d學生想睇多次當年媽咪同兩個契媽嘅6手鋼琴，仲有媽咪同婆婆嘅4手鋼琴同埋兩兩手呀」
 


「咁點解妳要幫手呀?」
 
「咁….姨姨好多病人丫嘛，佢點抽時間出黎?」
 
「妳三個契家姐呢?」
 
「佢地返學啦，而且佢地三個夾唔到媽咪」
 
「點解呀?」
 


「唔….三個家姐以前自己夾開夾慣，媽咪好少拍佢地，所以我咪要幫手囉」
 
「咁果日….妳會著英華校服?」
 
「唔係喎，我著返自己校服」
 
「咁妳同宣佈妳同姨姨關係冇分別喎」
 
「有問題?」
 
「咁即係呢….妳同Clodulf嘅事俾英華妹知道左，佢地會唔會話兩個姨姨介入學生私生活架」
 
「呢樣野媽咪同契媽早就幫我諗好左啦」
 
「真係?」


 
「佢地係我媽咪同哥哥媽咪，屋企反對佢同其他人拍拖冇問題掛」
 
放學嘅自修室，只有我地同哥哥嘅同學。英華嘅同學嘛…契媽捉哂佢地去補課，所以黎唔到
 
今次係我第一次坐係哥哥隔離溫書，我好快走埋去佢身邊，從後攬實佢
 
「有冇掛住我!?」
 
「快D坐低溫書啦戰鬥暴龍」
 
對於點解佢會咁叫我，我真係一D頭緒都冇
 
其他果兩pair人每次溫書都好甜，我同哥哥兩個呢，就冇咩互動
 


可能佢真係想溫書掛
 
真係冇俾我估錯，佢係好專心咁溫書
 
不過佢都會休息下嘅
 
「唔?妳今日溫history?」
 
「你呢?」
 
「physics呀…計數計到傻」
 
「好攰?」
 
「少少啦」


 
「轉身丫」
 
「做咩呀妳?」
 
「轉左身先啦」
 
哥哥依我吩咐轉左身，然後我就幫佢按摩個頭。呢個動作，係媽咪中學未同daddy拍拖果時，佢地都試過咁做
 
「舒服嘛?」我好用心咁幫佢按頭
 
「當然舒服啦」佢捉實緊我雙手，望一望四周之後拉低我，好快錫左我一啖
 
呢個動作，冇任何人睇到
 


我面紅紅咁望住哥哥
 
「做咩怕羞呀?」
 
「唔….怕俾佢地笑呀」
 
「咁我唔錫妳囉」
 
我嘟長個咀抗議「唔得呀，返去再錫過」
 
我地兩個手拖手咁返屋企，哥哥好似諗緊D野咁