我倆的緣份，於半世紀前已經開始: 大坑真光vs英華女校

我地兩個係小食部慢慢食野，期間有唔少英華妹同哥哥打招呼
 
「喂…」
 
「咩事呀?」
 
「你識幾多英華妹呀?」
 
「唔..唔係好多者…」
 


「㗅……………..」
 
「唔….唔好用獅哮功…..」
 
我地等左陣，皇仁同我學校校車終於到啦
 
OV同肥鴿帶住班同學行過黎我到
 
「喂!沙律!!同老公一齊黎呀?!」
 


「喂….靜D啦….呢到婆婆地頭黎架!」
 
「妳怕咩丫」
 
「冇人知我係佢孫女架!!!」
 
「今日妳會唔會同Winnie決戰呀?」
 
「決咩丫…」
 


忽然，我聽到有人叫哥哥
 
果個係 Winnie，仲有佢d同學
 
「Clodulf!!!!」
 
「呀…早晨呀Winnie….」
 
「咁早黎到嘅?」
 
「係…係呀….同媽咪一齊返黎」
 
「帶你去參觀下丫」
 
Winnie撓住哥哥住手，喂喂喂!!!!個男朋友係我架


 
所以我用媽媽嘅口吻假咳左兩聲，並且擺出媽咪係英華門口企係到嘅姿勢(亦係婆婆招牌姿勢)
撓實雙手，用恐怖雞死光射向一眾英華妹，同時OV同肥鴿帶領一眾姊妹做出相同動作企哂係我身邊
 
Winnie望到咁樣，佢同佢班同學都一樣撓起雙手同我地對峙
 
哥哥就企左係中間，想返過我地果邊又唔得，去Winnie果邊又唔得，所以，佢決定搵人救佢
 
佢sent左個wts出去，一分鐘後，好快有人出黎救佢
 
「妳地係到做咩?」
 
「Miss Lam」「Miss Lam」
 
「媽咪…」


 
「嗯?浩翹，你仲未返皇仁果邊?佢地就到」
 
「我…我想飲杯奶茶」
 
「Winnie妳放開佢先」
 
「係…知道Miss Lam」
 
契媽望一望我地
 
「Charlotte，妳地到左就去集合先啦」
 
「知道契媽….」
 


當Winnie聽到我叫契媽之時，佢地先知我地屋企關係，不過仲未有人知我媽咪係邊個
 
「呀…慧思呀」
 
「係!」
 
「幫我睇實個仔，唔好俾佢再飲奶茶」
 
「知道!!」
 
我望一望哥哥
 
「行啦!!飲埋呢杯好啦!!!」
 
就係咁，哥哥就俾我地一班真光妹帶走左


 
我帶走哥哥果陣，雙手撓實佢，然後轉身望一望Winnie，話佢知呢個係我男朋友黎架
 
「妳….唔會真係打算今日對Winnie做d咩呀?」
 
「做咩呀?你心痛呀?」
 
「唔係嘅，不過大家都叫做朋友，點都要俾個面媽咪同姑姐架嘛」
 
「唔….好啦」
 
我將哥哥送返去皇仁果到，然後就乖乖地坐係真光果排