我倆的緣份，於半世紀前已經開始: 欣賞對手嘅表演

「喂，沙律，Winnie頭先擺明挑妳機喎」
 
「我李慧思洗怕佢?就算係英華，我都唔怕佢」
 
「不過頭先妳撓手果個動作，氣勢好勁喎，有d英華妹好似驚驚地添」
 
「果個係婆婆同媽咪企係校門嘅招牌動作」
 
我地係禮堂齊齊整整咁坐係到，我果行就係皇仁附近，我仲可以見到翹哥哥佢地
 


我第一次入黎英華禮堂，雖然學校曾經重建，不過呢個禮堂仲保留左以前d野
 
當年…老契爺就係到向老契媽求婚…婆婆就係到傷心落淚
 
媽咪就係到見證契爺同契媽嘅求婚，我知道媽咪個心都係唔好過……
 
望一望個禮堂，我應該開心定唔開心呢?
 
終於開始表演啦，打頭陣嘅係主場嘅英華女校，中樂團
 


原來Winnie係中樂團成員之一，佢仲有個獨奏環節
 
不愧係英華校花，媽咪同埋四個契媽嘅混合體，佢真係文武雙全，怪不得媽咪話呢個學生好多男仔追
 
係英華嘅中樂團表演完之後，就到佢地嘅管弦樂團出場
 
根據媽咪所講，呢班全部都係婆婆旗下中嘅精英學生，除左成績一流之外，音樂都係一流
 
雖然媽咪同契媽係鋼琴高手，但係媽咪仲係一名小提琴高手中嘅高手，所以呢到所以小提琴手，都係媽咪嘅得意門生，除左英文同History，媽咪仲有教音樂
 


恐怖呢?
 
而管樂果班呢?就係契媽教出黎嘅學生，契媽除左鋼琴係演奏級之外，佢仲係管樂高手高手高高手，基本上冇野難到佢
 
痴線呢?
 
所以我當年唔揀入英華就係呢個原因
 
「嘩沙律…..呢班係咩人黎架….咁恐怖嘅」
 
「英華今次係黎真，話俾我地知，佢地先係港島區NO.1嘅女校」
 
「咁呢班….」
 
「係婆婆手中嘅皇牌，好多都係媽咪同契媽，婆婆兩個得意門生教出黎嘅學生」


 
「我地咪輸硬?」
 
「可以咁講，而且….我仲要俾媽咪捉上台…死啦…我做左25妹啦」
 
「不如咁丫…..我地…..」肥鴿係我耳邊係咁講
 
「下…..玩咁大?佢地唔知肯唔肯喎」
 
「而家校草同Vincent轟炸緊Clodulf啦」
 
「但…但係….係呢到…….媽咪會鬧死架!!!婆婆今日都會係唔知邊到睇實」
 
「我地叫Miss Ho幫幫我地先」
 


OV佢地叫左Miss Ho搵媽咪黎
 
「唔?慧思妳搵我?」
 
「媽咪呀….一陣呢….我同妳果Part完左之後…仲有咩架?」
 
「妳想solo呀?咁大膽?」
 
我面紅紅咁低頭，講唔出口
 
「姨姨，沙律話想搵Clodulf上去陪佢呀，唔知妳同婆婆批唔批准呢」
 
媽咪望一望我，再望一望台上嘅Winnie
 
「哦，妳個傻妹想係到打低媽咪班學生呀?」


 
「姨姨，唔係打低，係沙律要宣示主權者」
 
「浩翹肯唔肯先?」
 
「姨姨，佢冇問題架啦」
 
「想唱返果兩首歌呀?」
 
「係…係呀媽咪….」
 
「如果有時間，就俾妳個傻妹發下癲啦，不過婆婆唔知會唔會殺左妳喎」
 
「婆婆又點會呢，我係佢唯一一個孫女」
 


同媽咪講左之後，我地繼續睇表演