我倆的緣份，於半世紀前已經開始: 難以回答嘅問題

「嗯….兩位老師都係正常女性一名者，大家唔好再驚佢地啦」
 
「係囉，得閒就買個Celine手袋氹佢地啦」
 
「Ce…Celine喎!!!!」
 
「係呀，佢地孭Celine架，luggage型手袋，差唔多三萬蚊一個架」
 
「點解你咁清楚架?」
 


「因為…有次爸爸激嬲媽咪，我就去Landmark幫佢買，有剩錢我袋」
 
「咁Miss Cheung呢?」
 
「哦…..果陣佢生日….佢先生唔知送咩好，次次都係問我爸爸，爸爸就話又送Celine手袋囉，之後姑丈俾左三萬我幫佢買個手袋俾姑姐，有剩我袋。所以我咪買個唔同顏色嘅俾姑姐囉」
 
「咁即係你….」
 
「打虎頭囉，明未?」
 


「Miss Cheung個女知唔知架?」
 
「佢有份添啦，佢迫我用剩錢買個belt型手袋俾佢，萬五蚊」
 
台下媽咪同契媽都已經不能直視佢地d學生
 
「喂沙律，估唔到妳個手袋咁貴喎」
 
「咁…又係daddy叫我幫手氹媽咪開心嘅」
 


係台上，哥哥繼續俾MC質問
 
「嗯…..有一條問題呢，我代呀，代呀，某D同學問嘅」
 
「係…咩呀?」
 
「咁你爺爺揀左我地學校師姐啦…」
 
「Woo~」
 
我同哥哥已經同時間諗到佢地想問咩啦!!!
 
「咁你爸爸程機長又揀左佢同學，我地嘅Miss Lam啦….佢地真係童話故事啦，林雪凝與程逸風」
 
「唏~佢地兩個係屋企打哂交妳地唔知者」


 
「咁你哥哥Ethan，英皇書院狀元，又揀左我地學校狀元師姐Nataile一齊讀醫科啦」
 
「係呀」
 
「咁你…會唔會揀我地學校同學做你女朋友呀?」
 
台上嘅哥哥，好尷尬，而台下英華果邊就好緊張。我地真光呢邊就準備哂武器準備打佢。然後…
 
「其實呢…..大家順其自然咪算囉……」哥哥好尷尬咁講
 
「好啦好啦，完啦好嘛?」
 
「好啦，放過你啦」
 


哥哥非常面紅咁返落黎，當佢經常我果行，我嘟一嘟長個咀俾佢
 
之後我見到媽咪好似玩咁打左佢個頭幾下，但係媽咪又幾開心咁
 
然後…….媽咪同契媽就去左後台，而我，都跟埋去後台
 
「嘩…慧思，妳塊面咁紅呀?」
 
「邊…邊係喎….」
 
「準備好未?」
 
「好!!」
 
MC開始介紹特備節目，其實都唔算特備，皇仁同我地學校都有老師上場表演過，只不過媽咪同契媽做壓軸之嘛