我倆的緣份，於半世紀前已經開始: 我的獨自演出

我坐返好之後，就開始第三首歌，今次係我打頭陣先
 
係拉德茨基進行曲，我彈到差唔多到副歌果時，媽咪同契媽立即加入
 
佢地真係掌握得好準
 
而且台下觀眾都會根據傳統，係副歌果時鼓掌跺腳打起節拍
 
如果唔係有媽咪同契媽係到幫我，我都唔知彈唔彈得出水準
 


終於到左最難果首啦(對我黎講)
 
係Rossini Barber of Seville Fantasie……真係好難
 
一開始已經係6手聯彈，而且首歌好快好緊湊下，我好辛苦先跟到媽咪同契媽
 
但係佢地真係好好好輕鬆咁彈
 
我諗返起，媽咪差唔多每晚都彈成10首歌先會去瞓
 


而契媽都差唔多，佢地兩個真係好鍾意彈琴
 
都唔洗鍾意到咁呀?
 
所以係今日我終於知道點解媽咪要我每晚都練琴，就係咁嘅原因
 
我每晚彈5首，媽咪彈10首，所以我同媽咪距離愈來愈遠
 
媽咪同契媽雙手柔軟度完全唔似40幾歲嘅女性(連樣都係，有人以為佢地30中左右)
 


睇黎我都要努力練習先得啦
 
終於到左最後一個音
 
“叮!”
 
彈完後，媽咪又捉左我去琴邊
 
「拿….一次架咋….雙人2手聯彈」
 
我同媽咪一人一隻手，彈出左<談情說愛>呢一首歌出黎
 
今次個show，媽咪真係威到盡囉……
 
全場掌聲不絕，契媽帶住我同媽咪做返英華女校傳統致謝動作之後


 
「三位真係好犀利呀，Miss Lam同Miss Cheung兩個真係名不虛傳，咁多年嘅功力仍然存在，我想問問真光嘅Charlotte，夾住兩位老師辛唔辛苦呀?」
 
「妳話呢?我差D虛脫咁滯」
 
我繼續飲哥哥俾我果枝水
 
「妳同兩位老師夾得好好喎，係咪俾佢地特訓左好耐?」
 
「嗯….個幾月啦，雪晴姨姨都有不停去我屋企訓練我」
 
「咁妳對手軟未呀?」
 
「少少啦，不過我應承左呢兩位老師，幫佢地彈多次，佢地讀書時所表演嘅歌出黎」
 


「咁麻煩哂妳啦Charlotte」
 
我坐係鋼琴前，整好枝咪，對大家講出
 
「呢首歌，係呢間女校現任校長，孔美玲校長係佢畢業返黎教書後，第一次表演俾佢學生欣賞嘅歌曲，對佢黎講好重要，因為…佢同佢先生就係響呢首歌嘅背景相識。送俾大家<幾分鐘的約會>」
 
地下鐵碰著她 好比心中女神進入夢
地下鐵再遇她 沉默對望車廂中

地下鐵邂逅她 車廂中的暢談最受用
地下鐵裡面每日相見 愉快心裡送

每天幾分鐘 共你心聲已互通
旅程何美麗 如在愛情小說中



默默等候她 等她翩翩降臨帶著夢
又沒有雨或風 何事杳然失芳蹤

日日在等候她 無奈心中愛神要玩弄
地下鐵約會似是中斷 令我心暗痛

道理說不通 未到高峰已劇終
愛情難結局 期望再會一秒鐘

默默等候她 等她翩翩降臨帶著夢
又沒有雨或風 何事杳然失芳蹤

日日在等候她 無奈心中愛神要玩弄
地下鐵約會似是中斷 熱愛心裡控
 


我邊唱邊係到幻想著婆婆係著住制服嘅公公身上喊果個樣，一向堅強嘅婆婆竟然會為左個男仔而喊，仲要甘心做佢好朋友嘅伴娘，睇住佢地結婚
 
不過冇婆婆當日嘅眼淚，又點會有媽咪出現呢?
 
我唱完之後，好多女仔係到大叫
 
「校長好浪漫呀!!!!!」「少女情懷呀!!!!!!」
 
不過媽咪嘅下場係會點呢?