我倆的緣份，於半世紀前已經開始: 我同媽咪爭野食

我係婆婆屋企永遠都係大字型攤係媽咪細個間房到
 
「喂喂喂!!!唔好瞓我張床呀妳!!!」
 
「媽咪呀…妳俾我瞓下啦，好攰呀」
 
「媽咪問妳野呀」
 
「問啦…..」我繼續係張床到碌黎碌去
 


「Winnie頭先搵妳做咩呀?」
 
我聽到之後立即彈起身
 
「媽咪妳見到?」
 
「點會見唔到，快d講啦」
 
「咪…問我同哥哥係咪拍拖之嘛….仲有…」
 


「仲有咩?」
 
「佢早就知我係妳個女….」
 
「果然，嘉怡真係好叻女」
 
「佢同妳講過?」
 
「係丫，佢問過我，點解妳唔去英華，要去真光。果時我話係妳自己揀」
 


「佢真係好醒目」
 
「如果唔係浩翹自己鍾意妳，睇下妳仲贏唔贏到Winnie」
 
「知啦知啦」
 
「妳一陣想點同婆婆講呀?」
 
「同婆婆講咩呀?」
 
「妳同浩翹嘅事囉」
 
「下!!!要同婆婆講?!」
 
「咁妳戴緊果條鍊係婆婆架嘛，俾婆婆睇下兩條鍊都好呀」


 
「唔……哥哥都唔知肯唔肯」
 
「咁我幫妳講啦」
 
「唔…唔好啦，費事妳亂講，一陣婆婆以為我大左肚就弊」
 
媽咪聽到我咁講，就望一望外邊
 
然後放左包野俾我
 
「咩黎架媽咪?」
 
「呀……護身靈藥….」
 


我睇一睇盒野，明明就寫住<避孕藥>三個字
 
我面紅紅咁問媽咪「妳…俾我做咩呀」
 
「咁遲d……妳都會…呀……安全d好」
 
「咁就算係…..佢用咪得囉」
 
「妳….妳daddy當年夠話婚後二人世界，點知佢又唔…..之後妳就出現左」
 
「但係媽咪呀….我同哥哥邊得黎….」
 
「小心d好」
 
過左一陣，婆婆就叫我地出去食飯


 
一如以往，我同媽咪又係唔理儀態咁食，呢個場面，大家都見慣
 
特別係我同媽咪爭野食果陣
 
「㗅…….」「㗅……..」
 
「我夾先架!!」「我夾先架!!」
 
「㗅…….」「㗅……..」
 
每次我同媽咪都各不相讓
 
「媽咪妳讓下我唔得咩!?」
 


「妳讓媽咪先係架嘛」
 
「㗅…….」「㗅……..」
 
「我睇媽咪妳遲d變肥會點!!!」
 
「我睇妳咁冇儀態，妳男朋友會點!!」
 
「㗅…….」「㗅……..」
 
婆婆一聽到媽咪咁講，就立即問我咩事
 
「慧思妳有男朋友?」
 
「下…..」
 
就係我下呢一下，我放鬆左筷子
 
隻乳鴿就咁俾媽咪夾走左
 
「呀…..」
 
「慧思!!!」
 
「係!!婆婆!!!」
 
「妳有男朋友?」
 
「係….係呀….」
 
「拍左拖幾耐?」
 
「大約…..個幾月左右」
 
「詩敏妳幾時知架?」
 
「佢地拍拖前已經知，個傻女一直鍾意人地」
 
「喂!!張詩敏!!」
 
「點呀!李慧思!!!」
 
「㗅…….」「㗅……..」