我倆的緣份，於半世紀前已經開始: 向婆婆承認

「好啦，妳兩隻小獅子唔好再嘈啦，浩翹你呢?拍拖未?」
 
今次到契媽係到偷笑
 
「呀…婆婆呀….我呢….」
 
「奶奶，浩翹佢有拖拍啦」
 
「哦~妳地兩兄妹又會同時拍拖嘅?下次做冬帶哂佢地黎見我」
 


「呀….呢層….」
 
我同哥哥低頭面紅紅，然後哥哥將佢食緊果隻乳鴿俾左我，之後我幫佢夾燒肉
 
呢一幕婆婆又見到
 
「丫….妳地兩個做咩呀?以前妳地唔會幫對方夾餸，呀….應該係話慧思妳唔會幫浩翹夾餸」
 
「呀…婆婆…..」
 


媽咪一面花生樣係到偷笑
 
「妳地兩個唔敢講呀?」媽咪永遠都係趁機報復
 
我同哥哥各自擰埋一邊爬飯
 
「媽咪，慧思個男朋友、浩翹個女朋友，唔洗等做冬，佢地而家咪坐左係妳面前囉」
 
婆婆望一望我地兩個
 


「妳地兩個拍緊拖?」
 
「係呀婆婆，我同慧思拍緊拖」
 
哥哥係婆婆面前坦白承認呢個事實
 
「浩翹你真係鍾意我個孫女?佢似佢媽咪咁勺蠻任性，仲男仔頭過佢媽咪，你肯定鍾意佢?」
 
「係…係呀婆婆….」
 
「婆婆話妳勺蠻呀」
 
「婆婆話我似妳呀」
 
「㗅…….」「㗅……..」


 
「好啦妳地兩個，雪凝妳批准佢地拍拖?」
 
「奶奶，我之前講過，我會俾佢地兩個自己發展」
 
「詩敏呢?」
 
「我冇咩所謂嘅，個女開心就得」
 
「阿熙你呢?!」
 
果時daddy同公公兩個係到睇緊賽馬前膽
 
「阿爸，呢隻好呀….」
 


「獨贏?」
 
「三重彩試下好…」
 
「媽咪妳唔洗問佢同daddy啦，我老公唔會唔俾」
 
「雪凝，阿風俾唔俾?」
 
「佢嘛……佢冇意見，佢都知個仔由細都鍾意慧思」
 
「雪晴呢?」
 
「阿妹批准左啦」
 
「浩翹，你由細細個就鍾意慧思?」


 
「係…係呀婆婆….當時….daddy唔俾我考真光小學….我就嬲左佢好耐」
 
「所以你知道慧思揀返真光中學，你就reject英皇offer，自己去皇仁?」
 
「係呀婆婆….」
 
「因為想近慧思多d?」
 
「係…..如果思思返入英華….我就會去英皇…」
 
婆婆合埋眼一陣
 
「總之，你地拍拖冇問題，只要呢….唔好搞出任何事出黎就得」
 


「知道啦婆婆」
 
食好飯之後，婆婆叫我地坐埋佢身邊