我倆的緣份，於半世紀前已經開始: 婆婆要將我嫁出去

「慧思妳除條鍊出黎丫」
 
「係….」
 
「浩翹」
 
「係…」
 
哥哥都除左佢條鍊出黎
 


婆婆雙手震住咁，將兩條鍊一拍
 
一個大心型加梅比斯環出現左，然後婆婆第一次係我面前流眼淚
 
「婆婆?」「媽咪?」「奶奶?」
 
「Tony…..你點解咁傻呢……梅比斯環……」
 
「婆婆妳一早知係咩黎?」
 


「梅比斯環?係我話俾Tony知係咩黎」
 
婆婆將條鍊反去後邊
 
我地幾個見到後，大家都呆左
 
鍊後仲有兩個英文名
 
Margaret, Tony
 


「浩翹，條鍊果然係你爺爺訂，咁多年佢仲係冇變過，怪不得佢臨走前點都要送條鍊俾我」
 
「浩瀚天際、翹首以待、慧然以諾、思念一生」婆婆講出呢幾句說話出黎
 
我一臉茫然，唔明白意思
 
「浩翹、慧思，妳地自己睇下呢四句野有咩解釋?」
 
我同哥哥睇一睇
 
「『浩』瀚天際、『翹』首以待、『慧』然以諾、『思』念一生」
 
正正係我地兩個個名
 
「媽咪?」


 
「你地兩個個名，係婆婆改。當年我地知道係一男一女果時，婆婆就立即咁改名」
 
「妳地兩個都知道，上兩代嘅事啦」
 
「我地知道……」
 
「所以呢…..」
 
婆婆轉身過黎望住我地
 
「婆婆會祝福妳地兩個，浩翹，如果你肯嘅話，我會無條件咁將慧思嫁俾你」
 
「下!?婆婆….我同哥哥邊得黎咁快….而且….」
 


「媽咪呀…妳等佢地讀完大學先啦，妳突然咁講…我好難同老爺奶奶交代架」
 
「佢地唔係打算還返慧思堂哥同堂家姐個人情俾我咩?冇我出口，佢阿哥點入到華仁?佢家姐點入英華?」
 
「但係妳都要慧思識做人老婆先得架?」
 
「係係係….咦?慧思呢?」
 
當時我已經走到冇雷公咁遠
 
「慧思呀，妳始終要嫁人架嘛!!!」
 
「到時再算啦!!!!!!!」
 
「辛苦你啦浩翹」


 
「我揀嘅…..佢係我揀嘅……」
 
我地係daddy部車到，一齊返屋企。一向做事比媽咪更亂黎嘅daddy，佢嘅提議，更恐怖