我倆的緣份，於半世紀前已經開始: 毫不留手嘅比賽

其實我唔太明劍擊規則，我只係知道係咁篤人心口就可以
 
一時又企定定，一時又行返去中間，好怪
 
“dee””dee””dee””dee”呢d聲音不斷出現
 
哥哥一口氣贏左幾個對手之後，喇沙佢地準備派人上場了
 
係阿zack
 


佢雖然唔係咩港隊代表，不過係喇沙成為校隊，實力一定有返咁上下
 
哥哥就一貫輕鬆態度享受比賽
 
終於，哥哥對上阿zack啦。我好怕阿zack會整到哥哥
 
果然冇錯，阿zack真係完全唔留手咁攻擊
 
不過原來哥哥都唔係弱架，佢嘅防守真係滴水不漏咁樣
 


 
 
打左好耐，雙方仲係平手
 
大家都有d攰，所以裁判宣佈暫停15分鐘
 
哥哥一除個面罩，佢成面大汗。所以我走埋去俾我枝水佢，同埋抹下汗
 
「你睇下Clodulf，有個咁好嘅女朋友真好」
 


「好羨慕呀!!!!」
 
我聽到佢d同學咁講就縮手
 
「唔洗理佢地啦，佢地係咁」
 
「始終…呢到係學校….你攰唔攰呀?」
 
「少少啦，呢個對手我一定要贏佢」
 
「點解呀?」
 
「佢追緊妳架嘛，我當然要打低佢啦」
 
「賣口乖」


 
「妳返埋去先啦」
 
然後，契媽拎左d野俾哥哥
 
「浩翹」
 
「媽咪?」
 
「你今朝漏左你把劍呀，拎住啦」
 
「唔該媽咪」
 
哥哥將右手把劍除低、除埋手套。再戴上左手手套拎起把劍
 


喇沙d對手一望，個個都呆左
 
「左手劍?佢唔係右手架咩!?」
 
「明明頭先用右手架….」
 
我返到埋位果時，我都唔明白點解哥哥要換劍
 
「Miss Lam，點解Clodulf要換手換劍嘅?」
 
佢地幾個一齊等契媽答我地
 
「其實浩翹一開始係左拗」
 
「佢係左拗?但佢平時用右手寫字喎」


 
「唔….應該話佢係可以左右手都用到，佢踢波都可以用左右腳架」
 
「咁哥哥換左手劍代表咩呀契媽?」
 
「佢換左手劍，即係代表佢會認認真真咁比賽囉」
 
比賽再開
 
哥哥仍然係防守一方，而阿zack亦都好大膽進攻
 
“dee”哥哥好快拎到一分
 
拎呢一分果時，全場都好靜
 


因為哥哥係轉攻擊權同埋出劍果一刻係好快
 
快到阿zack俾唔到反應
 
之後輪到哥哥進攻
 
“dee”又一分
 
果然冇俾契媽講錯，哥哥一用左手，佢會立即認真比賽
 
“dee””dee””dee””dee”哥哥不停係到攞分
 
就到最後一刻”dee”!!都係哥哥贏埋果分
 
比賽完畢，哥哥好有禮貌咁敬禮，而阿zack就低頭咁返去換衫
 
哥哥換好衫之後，我地一齊返屋企
 
「原來你真係咁叻」
 
「邊係呢」
 
「你係唔係因為阿zack先換劍?」
 
「嗯…都係嘅，我見到佢比賽前瞭妳嘛」
 
「你呷醋呀?」
 
「唔好咩?」
 
原來我呢個男朋友都會呷醋，雖然佢經常呆頭呆腦咁，但係佢真係好錫我