我倆的緣份，於半世紀前已經開始: 一封令人流淚嘅信

我乖乖地係廚房入邊，係到幫婆婆手整今晚嘅冬至飯

我地幾家人一齊黎架，除左姑媽對仔女，因為大表哥大表姐係澳洲讀緊書，幾年後大姑丈退休，佢同姑媽就會過去陪佢地架啦

所以婆婆都打算退休後過澳洲，始終養兒100歲，長憂99

佢都係唔放心姑媽佢地，但佢都唔放心媽咪，所以佢經常左右做人難

就係咁樣，Daddy同媽咪都打算到50歲左右就陪婆婆移民澳洲



其他兩個契媽呢?佢地申請左架啦

所以而家係剩低最大家庭果個，風契爺一家

聽浩揚哥哥講，家琪姐姐屋企話，婆婆去邊，佢地都會去邊

因為婆婆係佢地大恩人，佢地一家會永遠跟隨婆婆

翀契爺呢?佢就聽哂雪晴姨姨話，而雪晴姨姨就永遠跟隨雪凝奶奶



唔…..睇黎我都會跟埋過去lu

但係讀大學又點呢……

「慧思??」

「係!!!婆婆」

「做咩突然入廚房幫手呀?」



我面紅紅望住婆婆

「咁……我都要學做人老婆掛…」

「呵呵，咁快想嫁俾浩翹啦」

「唔….」

「慧思呀….我得妳一粒孫女….」

「我知呀婆婆」

「婆婆真係唔放心妳…..所以我先…叫妳爸爸考慮送妳澳洲讀書」

「婆婆妳決定左?過澳洲?」



「嗯…點都好，我都會過去….呢個….係我同Tony嘅承諾」

「老契爺?」

「嗯….陪婆婆出一出去丫」

我同婆婆坐係露台上邊吹風

「婆婆，大風呀，妳著多件衫先啦」

「呵呵，都係慧思妳最錫婆婆」

「當然啦」



「其實…妳知唔知點解妳契爺要做飛機師?」

「契媽話呢個係佢志願，佢好細個作文[我的志願]就係要做飛機師」

「呢個係其中一個原因」

「仲有其他原因?」

婆婆點一點頭「冇錯，佢係為左實現佢爸爸嘅遺願」

咩話?契爺已經為左完成佢媽媽遺願，而發力讀書，用會考8A入英華女校，做女校男生升大學啦喎

「老契爺…有咩遺願呀?」

「唉….係我同佢中學時私定嘅願望」



「婆婆妳同佢嘅願望?」

「嗯…..佢話過，佢想將來帶佢屋企，一齊移民過澳洲，舒舒服服咁生活。Sydney又好、Tasmania又好、SA、WA都可以」

「所以婆婆妳就想過澳洲?」

「嗯……Tony過身之前，都寫左封信」

婆婆拎出封信俾我睇

「To My dearest Margaret, the one I love forever:

對唔住阿玲，我行先一步啦。我最後悔係20年前，我冇好好對妳，我冇揀到妳。我陪唔到妳去澳洲啦，希望妳同詩敏可以健健康康，退休後去澳洲定居，呢個，係我同妳之間嘅約定。
雖然我帶唔到妳去，但係，我叫左阿風帶妳地過去。我希望佢可以幫我實現做飛機師呢個夢想，將來妳可以坐佢駕駛嘅飛機，由佢帶妳過澳洲。


妳要好好生活，照顧好詩敏，我希望將來佢地兩個，或許佢地嘅小朋友，會幫我地拉返埋一齊

我愛妳，阿玲」

「點解….老契爺要…..」我第一次睇信睇到喊

「佢就係個咁嘅人…妳媽咪個名…張詩敏Jasmine，係契爺幫佢改…..」

「係?」

「因為妳婆婆我…..好鍾意茉莉花….Jasmine」

「所以契爺就幫媽咪改名做詩敏?」

婆婆擰一擰頭…..

我開始load唔到野

「詩敏…Jasmine…..正確黎講，應該係…..應該係…..」

婆婆又開始喊啦

「婆婆?」

「媽咪，妳真係想將我個名….講俾慧思知?」

我擰轉身，媽咪已經企左係到

「媽咪?」

「講俾慧思知啦，佢有權知道」

「嗯….媽咪，詩敏，Jasmine呢個名……係….係…..」

「係咩呀媽咪?」

估唔到連媽咪都開始流眼淚

「媽咪?」