「然後校長出黎講野『詩敏、雪凝,唔洗講,我已經睇到哂。我係呢到校長,孔美玲,我絕對相信我個女同新抱所講嘅事,佢地以前都係我地學校模範生,我亦扮成校工見到所有野。呢位同學,麻煩妳立即退學,我都會通知妳小學同其他同我地友校校長,佢地都唔會接受妳呢種學生,麻煩妳自己去教育局申請再派位,保安!!!送客!!!』咁樣用獅哮功嗌出黎,對方連反駁都唔敢」
 
「咁婆婆應該唔會咁易放過妳喎」
 
「係呀,咪又係姨姨同奶奶幫我囉,所以校長先放過我」
 
「婆婆其實好錫妳呢」
 
「當時我仲煩緊校服果陣,奶奶就拎左兩套好新淨嘅舊校服出黎,同埋運動衫,連埋皮鞋運動鞋、書包等等。而書簿費、教科書呢,就姨姨唔知用咩手段幫我搵左D好似好新嘅舊書俾我」
 


「媽咪9成又係強迫D F.2、3師姐拎D書出黎」
 
「嗯,佢地兩個一齊睇我D資料。當時我都係全級第一咁入黎,佢地見我仲住劏房果D,都好擔心我會唔會辛苦,又要幫媽咪手賺錢果D,冇時間讀書。於是姨姨就叫校長係學校安排份工俾我媽咪,雖然係做校工,但係媽咪總算有份穩定收入。校長又將我地兩母女安排住係駐校員工宿舍,等我地可以生活舒服D」
 
「然後auntie就遇上余叔叔呢?」
 
「係呀,我親生爸爸都係姓余,所以唔洗改姓,媽咪有第二個人代替天上嘅爸爸照顧我地兩母女,我地有今日,都係校長送俾我地」
 
「咁姐姐妳仲住係宿舍?」
 


「唔係啦,我地搬走左啦」
 
「咁一家三口又無理由留係學校宿舍到住嘅」
 
「我地而家住係浩揚佢地其中一間屋」
 
「均益大廈?」
 
「嗯,雖然係舊,但質素仲非常好」
 


「咁浩揚哥哥果陣點追妳架?」
 
「果陣呀….佢F.4果年有一日俾奶奶迫佢返黎幫我地班手準備開放日。佢一入黎我地班房,我地成班仲以為係咪有色狼黎左,原來佢係Miss Lam個仔」
 
「大家係咪雙眼發光呢?」
 
「唔係架,Ethan果日係好唔想幫手架,但係因為奶奶迫佢黎,佢先黎」
 
「點迫呀?」
 
「我仲好記得『浩揚!我俾兩個選擇你,一係你就係呢班幫姑姐d學生,一係就上你家姐果班到,俾你家姐點你做野!再唔係就去瑩瑩玲玲果班』咁樣」
 
「所以哥哥留係妳地班?」
 
「唔係架,佢揀上Jasmine姐姐果班,點知十分鐘後,佢俾家姐趕左落黎『Natalie!!!妳幫我湊住個細佬,唔好俾佢亂行!!!佢一唔幫手就對佢拳打腳踢得啦!!』咁樣」


 
「所以哥哥就心不甘情不願咁幫妳地手」
 
「係呀,我見佢咁慘,咪請佢飲野囉,咁佢又幫返我。然後有一日佢黎學校等我放學」
 
「等唔到呢?」
 
「當然啦,我住係學校入邊。第二日佢唔等啦,直接衝入黎搵我」
 
「哥哥唔係對妳一見鍾情呀?」
 
「唔係呀,果陣佢好似話個女朋友有第三者,問我有咩解決方法」