夜晚食飯果時,我拎左上去佢屋企
 
入到佢房,真係跟我估計錯,佢又係到溫緊書
 
所以我就從後攬實佢
 
「老公仔!!!!」
 
「點呀,我嘅戰鬥暴龍」
 


「生日果陣唔記得送野俾你….所以…..」
 
「都講左妳唔好買野囉」
 
「唔制,我買左….」
 
「一件好性感嘅泳衣?」
 
「唔係呀!!!咸濕仔!!!!」
 


「咁係咩呢?」
 
「我買左枝筆俾你」
 
我將佢放係檯面
 
「妳又諗到送筆嘅?」
 
「夠實用囉」
 


「仲要係鋼筆喎」
 
「當然!連替用芯都有架」
 
「咁我又送返樣野俾妳丫」
 
「你有?」
 
哥哥拎出一個長盒俾我
 
「打開佢丫」
 
「古古怪怪咁嘅」
 
我一打開個盒,見到嘅,係我送俾佢枝筆一樣款嘅筆,但係果枝係走珠筆


 
「點…點解會一模一樣嘅??」
 
哥哥摸一摸我個頭
 
「頭先我補完課,去行一行,點知俾我見到妳地三個係到揀筆,我又見到妳俾錢。等妳地走左之後我去問果個靚靚sales,問妳買左邊款筆,於是我就買返同一款俾妳,咁我地咪有情侶筆用囉」
 
「唔……咁都俾你睇到…..」
 
「呢d係咪叫有緣呀?」
 
我捧起哥哥塊面就錫落去,都唔理打開住門
 
「慧思呀!」
 


「係…媽咪」
 
媽咪一入黎就見到我同哥哥錫錫緊,搞到佢有d唔好意思
 
「呀…..我地食飯啦」
 
「知…知道啦」
 
媽咪笑咪咪望住我地
 
「妳地…親熱多陣先啦」
 
「好啦媽咪!!」
 
「唔阻妳地啦」