究竟係咪所有女仔都會嗌自己肥架呢?
 
一定係
 
難得大家姐係屋企食飯,佢話自己肥左好多,連同家琪姐姐,佢地兩個都話要減肥
 
一向屎橋多多嘅浩揚哥哥,就諗方法黎玩佢地一次
 
果排幾涼下,正好係食下韓燒、打邊爐係日子
 


當日家姐同姐姐兩個做完gym返到屋企,沖完涼又係到拉筋做d輕鬆瑜珈
 
佢地兩兄弟就買左好多餸返黎
 
「唔?哥哥,今晚我地自己食咩?」
 
「係呀,d大人去左飲丫嘛,難得阿哥家姐係到,咪我地煮囉」
 
「今晚食咩?」
 


「一陣妳就知,呀…家姐妳地唔食呀?」
 
「減肥!唔食」
 
「哦…妳地話架」
 
到左接近夜晚,佢地開張檯出黎,仲要係大檯
 
「哥哥你地搞咩呀?」
 


「一陣妳就知啦」
 
好奇怪,佢地拎左枝油出黎,同埋一個韓式燒烤爐
 
「唔?」家姐用好凌厲嘅眼神望一望
 
果然!!!之後就有好多五花肉、牛肉、雞肉等等肉類拎出黎
 
仲有d菜
 
喂,佢地兩兄弟搞咩?
 
我望一望家姐同家琪姐姐,我終於明白啦
 
佢地兩個整估家姐同家琪姐姐,引佢地食野


 
「家姐妳真係唔食?」
 
「唔食!」
 
「家琪姐姐妳呢?」
 
「唔食!!」
 
「戰鬥暴龍呢?」
 
「食!」
 
我好快坐埋去哥哥身邊
 


「首先等塊板熱先…係啦….然後落油,係….好啦,拿….落少少蒜頭爆香先….好」
 
我跟住哥哥指示去做,真係好香
 
首先,落嘅係五花肉,滋滋聲呀…香氣四溢
 
「思思呀,五花肉唔可以煎到太燶,否則唔好食架啦」
 
哥哥夾起俾我,然後我食果陣望住家姐同姐姐
 
佢地兩個個樣超想食,不過佢地之前話唔食,所以要忍住
 
然後哥哥落牛肉,嘩….真係好香好香
 
「思思呀,牛肉都唔可以煮得太老,一陣太un就唔好食啦」


 
「知道」
 
哥哥燒好d牛肉之後,就夾起餵我食
 
兩個姐姐仍然背住我地做瑜珈

「細佬,試下將五花肉加牛肉試試,爆完好香口下」
 
「唔!!!阿哥!!!肉汁鮮美呀….家姐妳唔食呀?!」
 
「唔食!!!」
 
「家琪姐姐呢?」
 


「唔食!!!!」
 
佢地兩個真係好堅持
 
「黎黎黎,燒隻蝦先,仲有帶子帶子」
 
佢地兩兄弟真係唔香唔燒,仲要係家姐同姐姐最鍾意食果D野