我倆的緣份，於半世紀前已經開始: 我地係真光大家姐!!

今年係中學生生涯最後一年啦，所以我點都想參加下聖誕舞會，今年我地學校搞左個Joint school ball，請哂四間真光一齊黎玩ball之餘，仲有四校嘅talent show
 
話明四校囉，當然又係四間真光互鬥時候啦，我地港真一向係四間真光大家姐，點都唔可以輸!!!
 
所以我地F.6最後一年，我地要大哂冷!!!
 
「喂喂喂，今年四校聯SHOW係我地到搞喎!!!姊妹們!!!我地唔可以輸架!!!!」
 
「唏呀~唏呀~唏~~~~呀~唏呀~唏!」
 


「不過我地表演咩好呀?」
 
「叫加德利奧跳天鵝湖?」
 
「嘩…佢果D叫燒鵝湖喎」
 
「一係我地F.6出樂團?最後一年，點都要盡興」
 
「我地F.6根本就可以組樂團出黎，不過表演D咩先得架?」
 


「我地有中西樂團嘛」
 
「係呀，咁又點」
 
肥鴿真不愧係我K1到F.6嘅同班同學，我一講佢就知我想點
 
「沙律妳想將英華女校嘅皇牌搬過黎?」
 
「唔單止搬過黎，我仲要加埋鋼琴!!!」
 


「除左梁祝…..仲有咩呀?」
 
「天空之城!!」
 
「唔….得唔得架」
 
「我地要贏，就一定要創新!!!我地仲要邊補課邊練習!!!話俾所有人知，我地港真係四間真光之首!!!」
 
「唏呀~唏呀~唏~~~~呀~唏呀~唏!」
 
「咁….邊個幫我地練習呀?」
 
「呢層啦喎…….補完課先算啦」
 
冇錯，我地要係talent show表演之餘，仲要補課


 
真係少d體力都唔得
 
我係哥哥屋企，雙手合十對住契媽同媽咪
 
「唔該丫….幫下我地啦」
 
「慧思妳今次搞咁大做咩呢?」
 
「咁最後一年…..我相信我班同學得架，黎啦媽咪…幫下我地啦」
 
「姐姐妳點睇呀?」
 
「其實唔難嘅，不過…..要班囡囡幫幫手試下，但係妳地又要補課溫習」
 


「唔緊要架!!!我地可以星期六下晝練習」
 
「嗯…..奶奶會唔會批准?」
 
「慧思去講，點會唔得?」
 
「ok，咁慧思妳幫我book妳學校d房，星期六，我地黎幫妳地啦」
 
「知道!!!」