我倆的緣份，於半世紀前已經開始: 冇人性血池18層地獄式嘔白泡抽筋特訓

為左呢個show，我地星期一至五放學都補課，哥哥亦都不停拎notes同我地d同學分享下
 
大家都好辛苦架，到左星期六，可以將我地鞭策嘅人黎到啦
 
我地星期六上晝補完課食左d野就係音樂室拉筋，準備接受媽咪同契媽嘅「冇人性超級血池18層地獄式嘔白泡抽筋特訓」
 
音樂室嘅門一打開，媽咪同契媽已經企左係到
 
大家都好乖咁起身
 


「Miss Cheung、Miss Lam」
 
「乖啦，坐低先」
 
「今日係Charlotte叫我地黎幫妳地手，所以我地就黎」
 
之後門口傳黎好多女仔打招呼聲
 
「大師姐」「大師姐」
「大師姐」「大師姐」


 
係真光俾英華妹叫大師姐嘅只有一個
 
我地校長
 
「Jessie、Jasmine，妳地帶埋咁多師妹黎做咩呀?」
 
媽咪同契媽D學生陸續入黎音樂室
 
「因為慧思話想佢地F.6臨時組成中西樂團，係四真talent show到表演，要省靚港真招牌，所以佢咪搵婆婆求救囉，點知媽咪又肯聽佢講，叫左樂團黎幫妳地手」


 
「所以話，Charlotte好似妳Jasmine，做事永遠都係唔按常理，但係創意好好」
 
「校長話妳呀」「大師姐話妳呀」
 
「㗅…..」「㗅…..」
 
「好啦好啦，快d練習啦」
 
「知道校長」
 
首先媽咪同契媽負責西樂果邊
 
而中樂果邊，有天才Winnie係到，其實唔止佢地啦
 


我地仲搵左皇仁中樂團上黎協助下，因為Winnie個男朋友，係皇仁中樂團架
 
估唔到媽咪同契媽對我地仲嚴過對班英華妹，因為婆婆有命令，要好好幫校長，佢以前嘅得意門生
 
所以媽咪同契媽先會咁嚴
 
練習唔緊要，最恐怖嘅係….
 
「第一次世界大戰爆發原因係乜野簡略講出?Silvia妳答!!!!」
 「係……斐迪南大公係波斯尼亞被行刺……極端民族主義…同盟對立爭奪殖民地…軍備競賽等等」 媽咪同契媽會忽然問書，如果答唔中，係要罰抄課文架
 
佢地真係好恐怖，所以大家平時上堂同補課都變得好留心，仲有溫哂書先黎練習
 
我地集體練習嘅時間唔多，好多時要靠同學自己嘅天分，但係好多同學都自願係平日放學補課後留低係學校練習
 


為左四校talent show，大家都好落力咁去練習，而媽咪同契媽都好用力咁樣鞭策我地
真係俾佢地鞭到死咁滯
 
鋼琴方面，由我負責同中樂團同管弦樂團一齊夾
 
所以媽咪鞭我鞭得更大力
 
我唔係M底黎架，俾媽咪咁鞭法，好L痛架!!!
 
我成個人攤係哥哥同我張床到，點解張床我有份?因為每次上去食飯，我總會攤係床上等食。所以我已經放左枕頭係哥哥張床到
 
攬住佢送俾我嘅柴犬長攬枕係到休息