我倆的緣份，於半世紀前已經開始: 趁火打劫

「阿熙你又係，當年你考電單車果陣，詩敏已經日夜唔安樂。到你出黎做野，撞左次車果一下你又唔係唔知佢幾擔心你，你話丫!!果次你住左幾耐醫院呀?」

「雪凝呀…果次只係….」

「你唔好同我講係小意外呀!!!!你明知詩敏怕你有危險唔鍾意你渣電單車，你就唔好渣啦，到而家生埋慧思，咁大個女啦，你先去買烈火戰車!?你仲以為你係天若有情咩!!!」

「daddy呀，你幾十歲人就唔好搞d咁嘅野啦」

「不過…」



我以為一向怕老婆嘅契爺會唔幫daddy啦，點知，佢都係唔會放棄自己好兄弟

契爺拎起電話，應該打俾翀契爺

「喂….翀呀?係呀…..救下佢囉...詩敏呢? 同你一人一半先?定點?落左地唔值喎。我咩呀我，我都冇牌。浩揚?佢都冇喎」

兩個契爺傾左一陣

「阿熙，詩敏就返左契媽到。你部車呢，我同阿翀會幫你搞掂佢，你快d去接返詩敏返屋企先」



「但係，佢會唔會跟我返去呀?」

「我點知你呀，阿妹14歲時我將佢交俾你….呀…唔係，係你自己追佢返黎俾佢綁實，你唔係而家先想將佢退返俾我呀?我養埋佢冇問題，但你嘅下場會點呢?記唔記得果個King屎仔呀?」

「但係你都話詩敏而家好嬲….」

「慧思」

「係!契媽!」



「妳同浩翹陪爸爸去接媽咪返屋企啦，妳係到，媽咪會心軟架」

「但係…媽咪發嬲果時….」

「佢邊捨得鬧妳呢粒寶貝女丫，乖啦，接媽咪返黎啦」

我望一望daddy

「你係返到屋企示範下屋企絕技先好呀…..」

「慧思妳仲有咩條件?講埋佢，咩手袋我都買俾妳啦」

我望一望哥哥，再撓實佢

「唔理點，我要係哥哥身邊，我要去澳洲嘅話，你要供埋哥哥過去」



我呢下算唔算趁火打劫?

「成交」

我地去到婆婆屋企，準備接媽咪返去