我倆的緣份，於半世紀前已經開始: 李家嘅終極奧義!!!

Daddy依舊俾婆婆話返兩句，咁樣都啱嘅，婆婆都係擔心daddy安全者

我走去媽咪間房，叫媽咪返屋企

「媽咪呀，返屋企先啦，daddy知衰架啦」

「佢會知衰架咩!」

「daddy今次係唔抵幫嘅，偷偷地買電單車」



「等架車黎到我立即刮花佢呀!!!」

「媽咪呀，契爺迫daddy撻左訂架啦」

「佢邊肯呀!!」

「真係架姑姐，妳返屋企先啦好唔好?」

「媽咪呀…」



媽咪望一望我地，然後出去廳到，佢好不滿咁望住daddy

「敏敏呀，daddy幫妳話左阿熙架啦，妳乖乖地返屋企先啦」

「敏敏呀，乖乖地啦，返去兩公婆傾掂佢啦」

「媽咪呀!!!佢買電單車呀!!」

「阿風同阿翀幫左佢撻訂啦，佢真係知錯架啦，乖乖地返屋企先啦知唔知?」



既然婆婆都開到口，媽咪真係冇咩理由再唔返屋企

「知啦」

「慧思，幫媽咪拎野啦」

「知道婆婆」

當我同哥哥行過婆婆身邊時，婆婆吩咐我地兩個好好睇住佢地兩個大人

「妳地呀，睇實兩個大人呀，一陣返到去佢地又鬧交架啦」

「應該唔會呱…」

「其他人就唔會，妳媽咪就難講，佢脾氣仲係好似細個咁，勺蠻女咁」



「知道啦婆婆」

Daddy車我地返屋企，然後返上樓

喂…又話示範李家振夫鋼絕技俾我睇嘅，所以我就係到催促daddy表演

「daddy，振夫鋼呢?」

媽咪一聽到daddy要振夫鋼果時，就發出凌厲嘅氣息

「咩話!?」

Daddy亦不甘示弱，準備向媽咪出招



「哼….我即將要使出我地李家絕招去振夫鋼，妳準備接招啦!!!」

媽咪撓實雙手企係到「我又唔怕你出咩招呀，我真係想睇下」

Daddy企係到運氣，大戰好似一觸即發咁。喂喂喂，我好心幫你氹返媽咪返黎，你係到倒我米!?

「daddy呀…..」

「終極奧義!!!!!!」

Daddy向媽咪走過去

「猛虎!!!!落地勢!!!!!!!!!!!!!!」

一個好有霸氣嘅名，究竟係會點呢?



然後….

Daddy係媽咪面前…..雙手合十、跪地認錯

猛虎落地勢，係每個人都可以學會嘅秘招，據稱招式是學猛虎從懸崖上往下撲的姿態。先向前方跪著，再把雙手放在地上，伸出雙手屈曲成90度直角，手指完全分開，這樣猛虎落地勢便可成形。使用招式時配上「對唔住、對唔住」的效果會更佳

呢…呢招就係….猛虎落地勢?

哥哥係一邊笑到停唔到，不停拎電話出黎影

振乜鬼野夫鋼丫!!!搞到我滿心期待有野睇，不過daddy嘛，又真係幾識氹媽咪嘅

媽咪仍然嬲爆爆咁坐係到，daddy就係佢身邊氹佢



「老婆….錫返啦」

Daddy嘅啄木鳥功又出現啦!!!

不過媽咪都係擔心者

「你明唔明點解我咁嬲呀!!!」

「係..我明…亂買野…」(你呢d都叫明?daddy你真係好野囉)

「我唔理你點亂買野啦!!!話之你買層樓買飛機返黎啦」(到果時妳又唔係咁講架啦)

「你明唔明我擔心你架!!!你出黎做野冇耐炒果次車呀!!!又斷手斷腳!!老爺奶奶打俾我果陣我真係嚇死架!!!仲要立即走堂去醫院睇你!!」

「係…係我衰…」

「知衰咩!!而家嫁埋俾你，仲生埋慧思，而家你有咩事，邊個照顧我地兩母女呀!?所以阿哥阿嫂今次唔幫你係啱架!!」

「係啦係啦，我俾佢地鬧左好多次啦」

「咁你仲買唔買呀!?」

「撻左訂啦，唔買啦，放心啦」

「你呀!!!咁多年都要我擔心你!!!都唔知點解果晚我會係海邊應承你架!!」

「得啦得啦，錫返啦」

「你呀!以後唔好再買電單車呀!」

「得啦得啦，聽哂妳話」

「我要食雪糕」

「好啦好啦，同妳去買啦」

所以我話，如果daddy同媽咪要嗌交嗌到離婚嘅話，果一日太陽一定係由西邊升起







下星期開始進入結局篇啦!!!!