我成為了她的恐怖情人: 3.再一次

3.再一次

翻學的時間又過咗一排啦，事情又好似之前禁普通禁發生緊，保持每日買早餐，每日都問，久而久之好似變得更加熟悉。

由同一班男仔食晏，變成問李曉同佢班朋友食咩，原本一星期一日，到後尾一星期五日嘅日子都係同佢地食。

慢慢接近李曉，慢慢覺得佢係一個好好嘅女仔，不過脾氣就好似火爆少少，身邊嘅男仔多少少，少少港女🥶。

然後不知道幾時因為我同李曉住得比較近15分鐘嘅車程，好多時放學都係一齊或者佢有野整，放學想食嘢又好，總係搵理由留低陪佢。然後陪佢搭火車翻屋企，因為好多時放學時間都係5點左右，去到地鐵站已經5點15分，放工嘅人都愈黎愈多。





每次放學都逼住地鐵翻屋企，高過佢嘅我，每次都近到聞到佢身上面嘅氣味，有淡淡嘅清香，洗頭水嘅味道慢慢透過鼻而吸到上腦。

有幾次都撞，而我呢個唔太識點處理嘅人，都係腎上腺素急升，好熱，突然出曬汗禁，然後尷尬講講sorry。然後就繼續各自禁電話，而佢去到大圍站要轉車，都會講句拜拜，然後就離開，而我就望住慢慢地縮細以致消失，大部分時間就係禁，然後自己帶起耳機慢慢享受屬於自己嘅世界，片刻寧靜，然後每日都諗起李曉。

每日同佢講聲再見，然後就搵啲理由搵佢Wts。

有時佢要做運動，我都會問下佢係邊做，總係搵理由見下佢，同佢食下野。

佢又唔會介意我出現係佢生命裏面。





又過多排，佢又有多個追求者出現，而呢個追求者同其他都好唔同。