我成為了她的恐怖情人: 4.追求者

4.追求者
呢一個追求者叫司徒，出現咗係李曉身邊，經歷咗海洋公園嘅Halloween，冬天聖誕節，去到新年左右就完結左。

仲記得當時佢兩個同一大班人去咗海洋公園，一齊dress code 七彩顔色加工人褲。

司徒係一個marvel迷，當年end game李曉本身都知marvel嘅大概情節，係因為佢哥哥都係一個marvel迷，特別中意美國隊長，而最唔中意iron man。

所以李曉係翻學之前嘅時間同咗司徒去睇，而係兩個人去，聽講好似係李曉買埋飛同佢去睇㗎。

但當中佢哋存在好多嘅問題，好容易嘈交，所以一直都未一齊到，而我當時因為同李曉似兄妹關係，所以司徒成日都搵我傾心事，但司徒同李曉都唔知我中意李曉，所以司徒一有對李曉嘅疑問就會搵我傾偈。





而司徒係同李曉曖昧之前，司徒同過一個女仔，一齊咗幾年，但係到中途又因為個女仔出軌，令到司徒失戀期間又預到李曉，而李曉又不斷同佢傾訴，因而司徒對李曉産生情感，或者叫轉移左前女友落去李曉道。所以司徒對李曉好好，而李曉從小都係比較渴望得到愛，或者想比人愛（雖然冇女仔唔中意比人愛）

而司徒係一個比較怕羞或者唔太識表達自己嘅一個人。所以佢當時有一次，李曉去咗練習，而佢哋又有啲誤會，令到司徒好自責，佢怕失去李曉吧，黎到我屋企樓下問我點解，

司徒「Carson，我好似激嬲咗李曉，我可以點算，然後啱先又同佢嘈左兩句」

我「氹翻佢囉，可以點啊」

司徒「我唔知點氹女仔啊，我平時都係係毒L，佢身邊好多男仔係周圍，我又唔係好信佢，因為我比人呃過。」





我「信任係兩個人最重要嘅嘢，一唔信，就會好大鑊，又係咩令到你唔信佢先？」

司徒「佢同好多男仔Wts。」

我「就禁炸，佢都同我Wts㗎喎」

司徒「但我信你唔會中意佢嘛，雖然平時你同佢挽得好埋，但你唔似中意佢。」

我「你又知？（深呼吸）其實我都中意李曉，但當你兩個仲曖昧嘅時候我唔會插隻手落去，因為我唔中意做人第三者 」





司徒靜咗一分鐘，表情好似變咗

司徒「我信你，但我宜家可以點氹翻佢」

我「佢幾時練完？」

司徒「10點左右」

我「宜家9點45，你宜家好去接佢，女仔好受呢啲，你去到咩都唔好提。同佢講對唔住，然後你有信心嘅就攬住佢講，係禁多。」

司徒「我想問多句，點樣搭車去🤥」

禁禁禁。





然後好似佢兩個又冇嘈交一排

再見之後的心酸。。。