【純愛】想要成為你的一半: 第十八章

「呀風，佢搞咩咁嬲啊？」Chloe問我。 

「無事，我地叫野食啦。」我勉強擠出笑容。 

「係人都睇得出有野啦，你唔怕話我知喎，我唔會同其他人講嘅。」 

「er…er…」

「你信唔過我咩，嚟啦，話比本小姐知，陳同學！」



「唉…好啦，我講啦，本來諗住grad左之後都唔駛理呢班人，點知又黎搞鳩我，今次死喇！」我深呼吸一下，再說道。 

「佢地好惡㗎？」 

「都可以咁講，你唔埋佢堆就當你敵人，我咪焗住埋囉。」 

「你無啦啦又會得罪佢嘅？」 

「頭先佢話要…你…總之就…唔係好野啦！」 



「你唔想佢溝我呀？哦…你呷醋！」Chloe指着我恥笑。

「痴線…邊…邊有啊！」我紅都面晒。 

「你咪認左佢囉，我又唔會笑你嘅。」  

「喂，好啦喎你！」

「做咩啫，Sor…Sorry囉。」她收起笑臉。



「唔玩你啦，咁你鍾意啲咩類型嘅女仔㗎？」

「… 」我無言以對，低頭徊避她的眼神。

「你唔想講都ok，當我無問過啦，哈哈。」

「嗯。」
 
話語間忽然彌漫着尷尬的氛圍，於是沒再延續這個話題，我們都沉默不語，只顧低頭進食。

吃完飯後，不安的氣氛絲毫沒有減退，彼此眼神閃縮，生怕又再說錯話。 

 

為甚麼我會這樣着緊她？該不會是那種感覺吧？



我也不敢肯定，跟當時有點像，沒想到過了幾年，我以為自己成長不少，應該能分清楚愛情和友情的界線，到頭來我還是那個懵懂的小伙子，在愛情路上一直原地踏步。 

 

不過這次我不管那麼多，不再掩蓋自己的心意，決定付諸行動，告知她我心坎裏的感覺。 

 

終於我們的眼神對上了，剛才怒罵雲加迪的熱血驅使我作出自己也預料不到的行為，一下子緊緊捉住Chloe的手。 

「做…做咩啊…」Chloe被我突如其來的舉動嚇得花容失色。

「對唔住呀，我頭先咁惡話你，唔好嬲啦。」



「同埋呢，我…我想講…好…好多謝你…」 

「傻仔…無端端多謝啲咩喎？」 

「自從識左你之後，我個人大膽左好多，終於搵到自己嘅目標，係你令我搵返團火，多謝你啊！」 

「頂你，講埋啲咁嘅野！我都無做過啲咩…」 

「我地唔係識左好耐，但係唔知點解你求其一句說話，我都好在意，好想做到比你睇，我諗我真係…鐘…鐘意左…你！」 

「衰人，唔知同其他女仔都係唔係咁講嘅！」她輕輕鬆開我的手。 

「無啊，just for you！」 

「聽住先，行啦。」Chloe站起來，轉身走。 



「我當你應承㗎喇！」 

「咩呀，我咩都聽唔到喎，bye！」 

「唔好走啦，做我女朋友好無？」我急步走前，從後環腰緊緊攬着她。 

「你做到我嘅要求就係咁易考慮下。」她冷冷說道。
「係咩呀，為左你我一定做到架！」 

「咁你下場比賽入5球3分波。」

 「下，你當我Curry咩，邊有可能呀，2球算啦不如？」 

「話知你，做唔到就算囉，放手呀，唔係我嗌非禮架！」 



「要嗌你一早嗌左啦，明明就鐘意人係都唔認。」我輕輕彈了她的額頭一下。 

「鬼會鍾意你個傻仔！」Chloe反了一下白眼。 

 

接著我們一直打打鬧鬧，和一般戀人無異，不過我始終想Chloe能應允我，讓我名正言順的做她的男朋友。 

 

為了你，我願意奮力一博。