【純愛】想要成為你的一半: 第三十章

「我有啲好緊要嘅嘢同你講」我WhatsApp 給Chloe。 

「嗯」她終於回覆了我。 

「咁一陣係你屋企樓下等」 

「好」 

 



好了，Chloe終於肯見我。這次我抱着破釜沉舟的決心，坦率的面對她，若果她真的不原諒我，那麼我只好瀟灑地離去，不再糾纏。 

 

Chloe沒有爽約。她依然是那麼美麗動人，但失去了往日的神采飛揚，取代的是一臉神色黯然，似乎我真的傷得她很深。 

「我有野想同你講。」我們同時說出口。 

「你講先。」Chloe低頭說道。 



「我對佢真係無野㗎，我已經同佢講清楚，唔信你聽下。」 

「Sorry呀風哥哥，我唔知你有女朋友，我仲做啲咁嘅野，搞到你地關係差左，我真係好對唔住你地呀。」我讓Chloe聽一下小柔給我的voice message。 

「Chloe，你信我吖。」我握住Chloe的手。 

「嗚…嗚…」Chloe默默的流淚。 

「唔好喊啦，今次係我處理得唔好，搞到佢誤會左，以後有咩事我都會同你講，你原諒我啦好無？」我輕撫她的臉蛋。 



「對…唔住啊…我竟然唔信你，仲嬲左你咁耐…」 

「我無野喎，你嬲都好正常啫，唔好擺係心度。」 

「其實…我知你…好錫我，但唔知點解見到你同個女仔咁親密，我就好嬲，好介意，可能因為我之前嗰ex…佢」Chloe說着說着哭得更厲害。 

「你放心，我唔會好似佢咁，我以後會做好啲，俾到安全感你。」 

「我好驚你唔再愛我，始終我唔係一個溫柔體貼嘅女仔，性格又差，我係咪唔配做你女朋友啊？」 

「我唔准你咁諗，你肯做我女朋友係我嘅福氣，你已經好好㗎喇，係我要做好啲先真。」接着我從褲袋裏拿出兩條手繩。 

「點解…」 

「上次行街見你眼甘甘望住，咪靜靜雞買左，無辦法啦，我搞到我女朋友唔開心，緊係要補償返啦。」我提起Chloe的手替她帶起。 



「呀風…多謝你。」她止住淚水。 

「傻妹。」 

「咁你係咪唔嬲啦？」我續說道。 

「嗯，今次就原諒你啦，咁你係咪應該有啲表示呢？」 

「mua…」我朝她的櫻桃小嘴吻下去，雖然嚐到一點眼淚，但我卻感覺不到苦澀的味道。 

 

Chloe終於露出久違的笑容，跟最初的她一樣，很甜，很美。 



「開心返就好喇，我幾驚你以後都唔理我。」 

「係㗎，鬼叫你成日蝦我。」 

「邊有啊，好似係你成日笑我咋喎。」我搔搔她的腰肢。 

「哈…哈…好痕呀…呀…」 

「你睇，又笑我喇。」 

「停呀…我…投降…啦…」 

「好，今次放過你啦。」 

 



「你仲記唔記得上次嘅約定？」 

「記得，但你最後都做唔到。」 

「今次我應承你，雖然對手好勁，但下場我一定會贏俾你睇。」