【純愛】想要成為你的一半: 第四十八章

跟Rachel告別後，我本以為一切已經結束，
但上天偏偏又要再一次作弄我。

「你而家係邊？」Chloe發了個message給我。

「啱啱行完街 而家返緊屋企」

「得你自己一個行？」

「唔係呀 同朋友」



「咁呢個你點解釋啊」她send了一張我和Rachel擁抱的相片來。


有沒有這樣巧合，又不是在拍戲，她是如何發現的，

我真的快要瘋掉了，在街上連番碰到熟人的可能性

有多大啊？？？




「BB你信我啦 我同佢清白㗎 好耐無見 所以先攬下咋」

「邊個係你BB 唔好咁叫我 攬下？
我個friend見到你地攬左好耐 朋友會咁嘅咩 你當我傻㗎」

「我無呃你啊 我同佢真係好多年 好好嘅朋友
佢去左外國幾年 最近先返黎 講bye bye嗰陣佢話要攬
我先俾佢攬咋 你信我啦」



「咁你可以say no㗎嘛 根本你就好enjoy 人地咁靚女
咁好身材 我係你都會攬啦」

「我無咁諗啊 係我做錯啦 你點先肯原諒我呀 你信我啦
我心入面淨係得你一個」

「唔好話我唔俾機會你 聽日你過嚟我度
講清楚你同佢嘅事 再睇下點囉」

「好 你等我」


還好Chloe願意給我一個機會解釋，這次應該問題不大吧，不過我都是決定先跟Rachel談一談。




「喂，有咩事呀？」

「唉…Chloe見到頭先我地攬住啊。」

「吓？佢點會知㗎？」Rachel的語氣顯得很驚訝。

「佢話有friend睇到晒。」

「我會唔會累到你㗎？Sorry呀。」

「佢叫我聽日去搵佢，應該ok嘅，好快無事㗎啦。」

「使唔使我同佢講下呀？兩個人好似有說服力啲喎。」

「我搞唔掂先搵你幫手啦，唔想麻煩到你。」



「咁好啦，希望你地快啲好返啦。」


掛斷電話後，我便攤在床上，呆呆的看着天花板。

這個時候都沒甚麼好想的，照直和她說就可以了，

我有信心。


為什麼？

我對自己有信心，對Chloe有信心，



對我們的愛情更加有信心。