有女仔寄宿咗喺我嘅頭到！: 14

Three hours Later ~
「嗯～宜家幾點呀」零打住喊露講
「3點幾」雪講
「唔...仲有個半鐘，食個飯先!」
然後零就煮咗個公仔麵嚟食，食完之後就玩電話，玩到差唔多夠鐘，零就開始換衫，著翻平時同賢出街時著嘅衫，一件黑T 加外套，然後係短褲。著完。出街。

零搭小巴去學校，到咗學校附近就行翻去學校門口度，見到Miss Ko企咗喺嗰度，零就行過去講
「sorry呀等咗好耐啊?」
零講完先發覺，點解好似同女朋友出街之後遲到再同女朋友講嘢咁。
「唔係呀...啱啱先到啫...星期六有時都要翻學」




「做咩呀」
「改卷，再幫form5嗰啲補課」
「哦...真係辛苦哂你」
「還好啦」Miss Ko微微一笑
「哦...好...」
之後就dead air咗...
零心諗「屌，可以講啲咩好」
「不如行啦」
「嗯...」





然後Miss Ko就帶住零行去巴士站，而途中
零問「Missi我地宜家去邊?」
「你到時就會知道」Miss Ko神袐一笑
「哦」
唔...總有種拐帶小朋友嘅感覺。
「上車啦要」
「哦...好」
零見到一班係去銅鑼灣嘅車，
「我地去銅鑼灣？」
「你估吓」




零心入面『屌』咗聲，明明都知要做咩，但係又唔講去邊，又唔係surprise，想點呀！
上到車後，零塊面係黑足全程，而Miss Ko見到佢個樣淨係莞爾一笑，根住冇作任何反應。
「好喇，要落車喇」零耳邊傳來Miss Ko溫柔嘅聲。
「哦」

之後零同Miss Ko就落咗車，佢地行咗一陣然後去另一個車站，唔...究竟佢地要去邊呢？