「上車喇要」Miss Ko把聲緩緩響起。
「唔...」零今次見到嘅係一架去赤柱嘅巴士
『唔...應該係去赤柱附近掛』零心諗。
「Missi呀,其實係要點check咩屬性」
「唔...如果以現今嘅科技就係好似照MRI咁,以前古代嘅話就係用一舊類似石頭咁嘅嘢,然後要check嗰個人再輸入屬性能量落去,之後靈石就會顯示對應嘅顏色,啲人就會知道佢係咩屬性。」
『哦...咁如果啲人有額外屬性嘅話,只要唔輸入另外嘅能量,其他人咪唔會知囉』零心諗。
『...估唔到你會知喎...你又真係蠢唔哂喎』雪講。
『係你唔了解我啫...』
『哈』





『...........』零都唔知可以講咩好,所以佢就同Miss Ko講「咁我地係用邊隻呀?」
「唔...唔肯定,不過可能會畀你揀」
「哦...」
『喂...咁如果係類似照MRI咁樣,咁點算呀』
『上次咪講左囉,包喺我身上呀嘛,同埋唔好喂喂聲,咁難聽喎』
『sor sor sor 』
『哼』

「落車喇」Miss Ko又係講呢句,今日Missi 講得最多嘅嘢就應該係上車同落車。
我望一望個車牌,寫住舂坎角,『唔...舂坎角,唔係得啲屋咋咩?』零心諗,然後疑惑咁望住Miss Ko。





不過Miss Ko冇見到佢個樣,淨係自己落車,然後行。

行咗一陣,零同Miss Ko停咗喺一間豪宅嘅閘門前。

「Missi我地去呢度做咩,唔係去check嘢咩」
「嘻...咪呢度囉,唔好睇佢係一間豪宅嚟,其實內有乾坤。」Miss Ko好似好巴閉咁講。
『有咩乾坤咁巴閉呀...同埋又唔係你起』零心諗,但佢囗講「咁係咩呀?」
「入去咪知囉...」
「哦...好」





然後Miss Ko行去閘口隔離嗰個對講機,然後撳個掣,再講「喂...我係馨琳呀...可唔可以幫我開一開門呀」
之後一聲『喀擦』對門緩慢咁開,然後有一位目測30幾歲嘅中年男士,樣子頗為斯文,有種儒雅嘅氣息,係一位成功嘅人士...好似。
已有 0 人追稿