有女仔寄宿咗喺我嘅頭到！: 19

「係呢，你地想食咩呀...」廷叔問。
「冇所謂...睇你地班後生嘅想食咩」李爺爺講。
「意粉，pizza」Miss Ko講。
「零呢？」廷叔問。
「冇所謂...」零望一望冷月。
「同馨姐姐一樣...」
「好嘢.....spaghetti」Miss Ko興奮咁講。

之後廷叔就打去嗌外賣叫嘢食.....





嗌完之後...廷叔講
「襯呢段時間，我再講多啲「盟」嘅嘢啦...咁除咗守護同維持秩序之外，我地都會做埋殺人呢樣嘢...當然我地做嘅嘢全部都係關於武者同一埋一啲有特殊能力嘅人...」
「特殊能力？」
「冇錯...我地做嘅嘢全部都係針對有特殊能力嘅人...如果係啲凡人嘅話都係交翻畀普通人算...」
「呀...仲有特殊能力即係有人可以變透明
啊或者好似蝙蝠俠咁嗰啲能力係普通人做唔到」
「唔...殺人...」零皺一皺眉。
「冇錯...係殺人」
「乜我地可以隨便殺人㗎咩...雖然我地比普通人勁少少...」
「呀...你誤會咗我嘅意思喇，我地淨係會殺嗰啲傷天害理嘅人...」




「唔...」零嘅心入面都接受咗，本來覺得可以隨便主宰别人的生命，而感到愧究嘅心...慢慢放鬆起來...可能係因為知道佢地做咗傷天害理嘅事而殺咗佢都覺得冇所謂...亦或係因為喺零嘅心入面本來就已經知道呢個世界係咁....


係呀...呢個世界就係咁㗎喇...


只要做大嘅，就可以殺細嘅...仲要冇事添。乜嘢人性呀，道德呀，都吔屎啦...嗰啲只不過係掩蓋人性黑暗嘅掩飾品咋。


只要有一個人比其他人強大一啲、特殊一啲，咁佢就可以掌握個主導權，去主宰、控制其他人嘅生活同活動...






叫你去奶人腳指，就去奶，叫你去奶人屎眼，又去奶...叫你去東就唔會去西...叫你去南就唔會去北...


人大咗要打工嘅時候，個老細同你講「幫我去買個condom 」你總唔會傻更更咁講「對唔住呀老細...呢個唔係我嘅工作範圍嚟㗎，你自己去買啦...」

喂...大佬...駁炒咩...你可能淨係心入面有幾句怨言，然後就唯有唔情願咁落街幫佢買個dom...啊，不過...其實仲有一啲人係覺得老細叫你做嘢係恩賜嚟㗎...errrr...嗰啲就真係不予置評喇...佢地直情係有嚴重嘅奴性。

其實每個人心入面都有一絲不易察覺嘅奴性，只不過係睇你點發展你嘅內心啫...只要一見到個比你強大嘅人，個奴性就會自動開發出嚟，諗盡一切辦法去討好佢，但係其實除咗人之外，動物都會有...例如狗咁...其實應該咁講，每種生物都會有奴性嘅，一棵未長大嘅樹喺一棵大樹嘅隔離，你估棵樹會唔會因為想快啲長大而吸走哂隔離棵樹嘅養分呀...唔會㗎嘛...只有大嘅先會搶走細嘅嘢...大樹搶走養分、陽光，而小樹只能默默地忍受，期昐有一天可以茁壯成長...不過可能未等到呢一日，棵小樹就因為被狂風吹而瓜咗喇，而大樹可能只係甩咗啲樹皮，斷咗樹枝，但仍然堅挺咁企喺度，而至於大樹點解仲喺度，係因為小樹幫大樹擋咗一啲風，所以大樹先會仲係度...炮灰永遠都係最早死㗎...


咁點解生物會有奴性被開發，我唔知...可能係畀人恐嚇、利益誘惑，而我覺得係天性，因為神想萬物去服從佢、聽從佢，所以先會製造萬物時，加入不易察覺嘅奴性。不過前提下如果真係有神先...






小樹驚大樹，大樹驚(狂風)<-[自然災害最恐佈，一地震、一海嘯，全部嘢就瓜柴了]。


如果想做最大嘅話係冇可能嘅...個天要你死，就可以搵道雷整死你。不過做一人之下，萬人之上其實又唔係冇可能嘅，不過都唔易做㗎，你都要睇天時地理人和，同埋要睇你自己夠唔夠膽行出第一步囉...


不過為咗生存...真係做到咩？


為咗生存，只能將尊嚴當咗做樽鹽咁拋走，去卑躬屈膝咁去附和人地...奶人地...


未到最後一刻，都未諗住踏出第一步。






成長，唔係睇年齡，而係睇經歷、過程中你學到啲咩，做過啲咩...經歷過許多事，做出咗你以前唔敢做嘅嘢，刻服難關，踏出第一步，呢啲先叫成長...

如果一直唔肯刻服難關，咁你仲係一位細路，一位披住大人表皮嘅細路...


所以呢個世界就係咁荒謬...連成長都咁難...



對唔住，講多咗添....