有女仔寄宿咗喺我嘅頭到！: 20

「嘛...其實喺武者嘅角度，係以實力為尊㗎，就算他朝一日做任務嘅時候死，我都覺得冇咩所謂...因為遇到一個實力勁過我嘅人，不過都可能會有啲唔甘心嘅...」廷叔感嘆地說度。
「嗯...咁任務通常係啲咩」零點點頭，轉一轉話題，顯然不想在停留這個話題。
「通常都係如果有外來物種嚟，我地會問佢做咩嚟囉」
「外來物種，即係外星人?」零雙眼發光咁。
「呃...唔係，乜你個樣咁猴禽嘅...我講啲即係外國嚟嘅物種，例如天使、吸血鬼，狼人嗰啲」廷叔見到零嘅樣，有啲嚇親。
「哈哈...零你個樣好似如果有外星人出現喺你面前...就會食咗佢咁...哈哈...」Miss Ko哈哈大笑地說到。

而冷月露出一絲笑容，零啱啱好見到...瞬間變呆頭...呆咗...『靚...好撚靚』零嗰陣搵唔到其他詞語去表達冷月個樣...

冷月見到零嘅呆樣後，立即收回笑容，而零呆了幾秒後，隨即變回原來的樣子。





「嘻嘻...」廷叔佢地係度偷笑。

李爺爺則心諗『唔錯....幾襯呀佢地』

「咳咳...咁以前鐘意呢啲嘢㗎痳」零轉一轉話題。

「哦...原來你鐘意呢啲㗎，我以為你鐘意...」廷叔講到後面嗰句時，聲音逐漸變得細聲...

「咩話...」零問。




「冇嘢...」廷叔講。

而冷月好似知道廷叔想講咩咁，惡狠狠咁睥咗佢一眼...
廷叔縮一縮頭，露出驚驚嘅表情，廷叔雖然三張嘢，但內心仲係咁細路，可以畀一個細路女兇到。

「乜原來呢個世界有天使嗰啲㗎...」零問。

「世界咁大，有都唔出奇啊...呢個世界仲有好多嘢都未畀人開發...不過呢種天使，只係有天使血統，並唔係真嘅天使」廷叔答。

「即係雜種？」





「嗯哼...你可以咁講」

「你話邊個係雜種」一名女聲響起。

「errr...」『冇人話過你係雜種』

「咦...比珞，你嚟喇，我好肚餓呀」廷叔講。

「哼...我好心幫你地攞外賣，點知一翻到嚟就畀你地話係雜種。」一名驕小玲瓏的小女孩拿着一大份外賣，艱辛地一步一步的走着。

「嘛...我地講笑咋」廷叔講。

「哼，你做咩話天使係雜種」小女孩對零說，小女孩鼓起小嘴，小手叉着纖腰，顯得格外可愛。





「吓...咁唔話雜種囉...講混種得唔得」

「算你啦...哼」小女孩傲嬌地説，然後轉頭撲向Miss Ko的懷中「月姐姐，馨姐姐，你終於嚟喇」

「係呀...咁我今日帶我嘅學生過嚟呀嘛...」Miss Ko寵溺地摸一摸小女孩的小頭。

「就係佢啊?」
「係呀」

「喂...我叫邱比珞，你叫咩名」
「吓...細路女，我叫零」『邱比珞...邱比特啲friend呀，同埋唔好喂喂聲，咁難聽 』
「咩細路女呀，我已經16歲喇」
「吓，同我同年」
「哼...你先係細路仔呀」比珞説道。
「吓...你鐘意啦」




「哼」比珞『哼』完之後就走咗去同Miss Ko佢地嚟個girls talk。

零不解地看著廷叔。
「呃...因為比珞係天使嚟㗎...」
「天使唔係有翼咩」
「可以收埋㗎嘛...」
「哦...唔怪得啦」零眼尾睄一睄比珞，心想『唔...佢又幾似邱比特喎，一樣咁細得得，又有翼，唔同嘅係一個係神，一個係天使，同埋一個係女一個係男」

「咁我係咪要同佢say sorry呀」
「你可以嘅...」廷叔講。

「喂...對唔住...」
「吓...唔緊要...姐姐大人有大量，就原諒你啦...」
「車...」
「車咩呀...」





零冇理到佢，同翻廷叔佢地傾計。
「但係天使唔係外來物種嚟咩，點解會係度」
「比珞其實係以前李叔執翻嚟㗎，有一日李叔行山時發現佢，又發現佢係天使，但係又唔知邊個掉低，之後李叔唔忍心將佢留低，就帶咗佢翻嚟...湊到宜家囉」
「唔...」零估唔到比珞咁慘。
「唔...好喇，我好肚餓呀，同埋啲嘢再唔食，就會攤到凍哂㗎喇」廷叔講。

「喂...食嘢喇」廷叔向其他人嗌道。