『叮嚀嚀』

新嘅一日又嚟喇,又夠鐘翻學喇,其實講真,翻學真係好悶,鑑於零其實有啲內向,可以算係一個毒L,以至於佢喺學校大多數淨係會同賢一齊傾計,唉,成績又唔好,朋友又冇幾個,所以零就唔係咁鐘意翻學。

不過就算佢有幾唔鐘意翻都好,佢都要翻,所以今日就有咗呢個情況喇...


『死喇,點做呀』

『點解今日小測我唔知嘅』





『𨳒,雖然話我成績成日都差,不過你地估我想㗎咩,次次一專心做啲重要嘢嘅時候個頭就痛到飛起,搞到我乜都做唔到,唉,真係以為我唔想成績好咩』零好無奈咁望住份卷,心諗。

『乜你唔識咩』雪問。

『唔係呀』

『咁你又唔做』

『做唔到呀』





『吓...』

『之前咪同你講過囉』

『好似係喎,我幫你睇吓應該要點先可以搞掂』

『thank you呀靚女』

『你又點知我係靚女啫』雪唔好意思咁講。





『咁你咁好人,一定係靚女』

『咩喎...都唔係幾好人...』雪嬌羞地說道。

如果可以見到雪嘅全身,一定會見到佢塊面紅卜卜,個身就好似嗰啲卡通人物一樣,扭嚟扭去,唔...有啲令人作嘔嘅感覺。

唉...第一次見雪做埋啲咁嘅動作。

『咁你咁好人,不如好人做到底,教埋我做』

『唔要』雪好絕情咁講。

『唔好啦...你咁好人,靚女唔該你啦』零一副楚楚可憐嘅樣,如果畀人見到,一定會以為佢係癡線,無喇喇考試時整副咁嘅樣出嚟,不過可惜佢副可憐樣都係打動唔到雪。





『唔要』
『點解呀』
『唔想』
『車...咁樣肯定係你唔識』
『唔係囉』
『咁點解你唔幫我先』
『唔想』
『哼...你住喺我個頭唔駛畀住宿費呀』零用理所當然嘅語氣講。
『你...你』
『我平時冇幫過你』雪講。
『哼...都係幾次咋嘛』
『幾次都算係有幫上過你啊』
『你喺我個頭住咗幾耐呀』
『呃...』
『所以你要幫我』




『好啦好啦』


於是雪就幫佢做喇...


「叮嚀嚀...停筆」

由於零用咗大部分時間去同雪傾計,所以有部分係未做完嘅。

『呼...終於過咗艱難嘅時刻喇,實在太感謝雪美女你喇,我將來一定會報答你㗎,如果可以』

『唔駛』

『一定要嘅,一定要嘅』





『真係唔駛喎,因為我有啲係求其做』

『你...』零塊面即刻黑咗。

『哈哈哈...同我鬥,少年你太年輕了』


喺短短考試嘅其間,零塊面可以話係變幻無窮,一時開心,一時可憐,一時就黑晒,唉...呢啲全部拜雪美女所賜,真係可憐。
已有 0 人追稿