有女仔寄宿咗喺我嘅頭到！: 29

「喂，你做乜塊面黑晒」賢走過嚟問。

考完試後，零黑住面咁坐喺張櫈到，坐到宜家。

「冇」
「做乜啫，畀人飛呀」賢笑笑口咁講。
「冇女，飛唔到」
「你咁靚仔，點會冇人要啫」賢再講。
「收」





「你唔要我喇...」賢好可憐咁講。
零：「.......」

零好似望緊一件垃圾咁望住佢。
    ：「躝」
「BB，你好惡惡呀」賢再一副淚眼汪汪嘅樣出嚟。

「......」
「你再咁樣講嘢，我就話畀純希聽」
「唔好...認真恐怖，話咗我就pk了」賢好驚咁講。




「咁你就收啦」
「認真，你做乜咁Q樣先」賢問。
「冇嘢，我好認真喺度反思過去，展望未來啫」
「你條撚樣有啲咩可以反思過去，展望未來咩...哈哈...我唔笑，鬼都笑啦」賢一路笑一路講。

「喂，你做咩講粗口呀」一把女聲喺賢背景後響起。

賢聽到把聲之後就即刻靜咗。






「仆街...老虎乸」賢細細聲咁講。


零一抬起頭就見到一位中長頭髮，一副嬲爆爆，個樣就OK嘅女仔企左係賢背後。


「純希姐姐」零一副乖乖仔嘅樣。
「希姐姐...」賢一副恐懼嘅樣表現咗出嚟。


話說純希只係大賢三個幾月，不過前者讀F5，而後者讀F4咁解，亦都因為咁，純希由細到大都係一副姐姐樣咁教佢做嘢。


「你啱啱講咩話」純希瞇住隻眼講。
「冇...冇」賢勁驚咁講。




「但係我啱啱聽到有人話我老虎乸，仲要講粗口喎」純希笑笑口咁講。
「係咩...肯定係你聽錯」賢露咗一副肯定嘅樣出嚟。
「哦...係呀，咁不如我地一齊探討吓我隻耳仔係咪有事」
「唔好啦...」
「咁我唔阻住你地兩個喇，我走先」零講。
「喂，唔好呀，唔好拋棄我呀」賢用一副想挽留對方嘅語氣講。
『抵死，鬼叫你啱啱咁』零心諗。
「哼...我咪係度囉，邊個拋棄你呀」純希溫柔嘅聲從後面響起。
『RIP 我會永遠懷念你』零心諗。


唉，果然永遠都唔好喺日頭講人壞話，如果唔係就尷尬了，而且仲會好似賢一樣做咗隻豬，一隻可憐嘅陰公豬。