我係梳化起身行入間屋嘅走廊,廁所就係最入面,係睡房對面,我係走廊頭到見到道廁所門閂實咗。


唉,你條咸濕仔,邊有咁易𥄫到老細沖涼啊。


冇辦法𥄫野,唯有睇下佢間房啦,我輕輕推開半掩嘅房門,一陣香味撲鼻而嚟,唔係我之前聞到嘅玫瑰香水味,係老細嘅體香味,大力一索確係唔同,尤其係毒撚嘅我冇乜機會聞到。


同客廳相比,老細間房簡直就係天淵之別,一入到去隔離就係書枱,書枱上面佈滿凌亂嘅文件同書,枱上有幾隻公仔,放到亂晒,睇嚟平時老細都懶得執枱。枱對住就係老細張床,床上面有堆亂晒嘅衫,仲有一隻小新同小白公仔,隔離有個書櫃,行近個書櫃仲要望到一排蠟筆小新漫畫同下面排咗幾本書,除咗小新漫畫,個書櫃可以話係空空如也,哈哈,老細果然好鐘意小新。





見老細間房咁亂,我又登門作客,做翻啲野應該嘅,我隨即執翻好張枱,摺翻好啲衫,鋪翻好張床,平時自己一個毒撚開嘅我大把家務經驗,不出幾分鐘就執到老細間房企企理理。



「張......志明!」我執執下房聽到老細係廁所大聲叫我,我嚇到即刻走出房。




「係....老闆!咩事?」


「我唔記得攞......毛巾....同褲.....」係我聽過老細最怕醜嘅語氣。


「毛巾同.....褲?係....係邊啊,我幫.....幫你攞。」雖然我都差唔多。


老細叫我係佢床嗰堆衫求攞毛巾同條褲俾佢,而我,當然攞咗條真理褲啦,啱啱都未睇清楚。




「老細我攞......入嚟俾你?定....」我係廁所門口問。


其實正常係唔需要我入去廁所嘅,不過我啱啱換衫嗰陣見到廁所冇沖涼房,得個浴缸,離道門好遠,係隔門一定掂唔到嗰隻。


「你....攞入嚟...啦。我e到接......唔到....要.....要瞇埋眼啊。」而家嘅老細嘅語氣就好似怕醜嘅細路女咁。


「哦....」冇計,唯有頂硬上,我慢慢打開門,合實雙眼,細步行入廁所。


「行前多...幾步。」我聽到打開浴簾嘅聲音,老細嘅語氣亦都愈嚟愈怕醜咁指示我行前。




「Shit!」正當我行近個浴缸嘅時候踩到地下攤水,應該係老細沖涼嗰陣淺出嚟嘅水漬,搞到我成個向浴缸嗰面仆前,我都不禁大叫一聲。


「啊啊!」我一野仆咗落啲軟淋淋嘅野到,我同老細都同時大叫咗聲,死啦唔會係佢對.......


突如其來嘅仆街令到我本能咁擘大咗對眼,眼前係一片白滑嘅皮膚,左右面仲感覺到比兩舊軟淋淋嘅嘢夾住咁,隻手仲要因為想搵野捉,啱啱好揸咗落去,手感非常之淋,一隻手掌都揸唔晒。


冇錯,我個頭跌咗入老細對波中間。


我即刻想縮開個頭隻手,但係老細撳實我個頭,我估驚我縮開咗之後見到佢全身,搞到我差啲透唔到氣。




但係e刻嘅我感到莫名嘅幸福。。。。。


「縮手啊!唔,唔準縮開個頭望啊!你條咸,咸濕佬!」


「嗚......我冇......嗚.....心.......㗎.....嗚.....老......闆....你.......放.....手先......嗚....」我掙扎住咁係老闆心口中間抖氣同解釋。


「你,你瞇埋眼出去先啦!」老細稍稍放鬆咗隻手。


「老闆,塊地好濕,我驚又........」




「咁你,你起身先啦,要瞇埋眼啊!」


我瞇埋眼咁慢慢起身,因為啱唔老細沖梗涼,搞到我成身都濕埋。


「唔,唔準擘大眼啊!我,我一陣叫,叫你先準擘大眼啊!」


我照聽住老細講嘅做,到佢叫我擘大眼嗰陣老細已經著好晒衫離開咗廁所,得翻我一個企係廁所到。


「張,張志明,你出嚟啦。」經過啱啱嘅意外,老細瞬間咩架子都冇晒。