女神老細係我女朋友: 第十四章
唔係幾好嘅......我係老闆，唔係，景霖你嘅員工。。。一係我瞓你第二間房啊？我啱啱見到有間房，係咪客房嚟？」
「嗰間房鎖咗.....係我媽咪㗎.....條鎖匙係佢到，佢都唔係好俾我入去。。。」
係喎，全叔同我講過老細阿媽係美國，但係點解會鎖住道房都有咁奇怪？明明都係得自己個女係到住，算啦，我都唔問咁多人地屋企嘅事啦。
「瞓梳化得㗎啦我，景霖你早啲入房瞓啦，聽朝仲要翻工。」我一野攤平瞓落張梳化到。無奈嘅係，我起碼有半對腳突咗出嚟，個身仲要摺埋小小，老細張梳化係完全唔夠我身高。
本來我仲諗住懶瀟灑咁樣瞓梳化，點知一瞓落去完全係兩回事。
「ehhhh.....」我坐翻起身，啱啱又係老細面前柒咗鑊。
「你不如入嚟瞓啦都係.....」老細輕輕笑咗聲然後同我講。
「哦....」我有啲唔好意思咁應老細
無辦法，為有今晚係老細房到瞓。不過雖然我嘴上講唔好意思，其實我嘅毒撚內心超級興奮可以同老細一間房瞓，成晚就可以聞住老細沉味瞓覺。
睇一睇鐘，原來都成12點咁濟，都係時候瞓覺，雖然平時我都成兩三點先瞓。
我幫老細熄咗客廳燈然係同老細一齊入房，老細一入到房就拎起風筒吹頭，我就坐係張櫈到等，仲偷望下老細背脊，靚女吹頭都特別吸引嘅。不過都吹咗成10分鐘有多，估唔到長頭髮咁麻煩。
「Ehhh....我瞓邊啊....?」我細細聲咁問老細，因為都唔見老細入到房之後有準備啲咩地鋪之類嘅嘢俾我。
「啊，係喎。」老細好似都醒起，即刻打開衣櫃搵。
「我得一張被......淨係搵到多一個枕頭，同埋冇野鋪......」老細好怕醜咁講。
「姐係.....？」
「你，介意同......我瞓？」
「吓？！同，你瞓？！」我懷疑自己發梗夢，我竟然要同老細同床瞓？仲要係用同一張被？
「我，唔......介意啊....」我被老細問到口都窒埋，其實我一直掩飾我又興奮又怕醜嘅心情。
就係咁，我同老細瞓咗上同一張床，而我仲要除咗件上衣咁同佢瞓埋同一張被，仲要因為咁所以我地兩個瞓到好埋。
雖然我完全感覺到e個情況非常尷尬，但係可能因為太攰，老細好快就瞓著咗
老細瞓覺嘅時候原來要開小夜燈，不過理由我都冇過問，不過多得盞燈，我瞓覺嗰陣都有得睇住老細個樣。
我另轉頭過去望住老細嗰面，開始細心欣賞老細個樣。
老細係床到瞓覺個樣同係公司瞓覺個樣完全唔同，雖然老細私底下好呢啡，但係睡相出奇地好，雖然有少少流口水。同係公司唔同，而家老細冇化妝，嘴辱因為流口水所以十分濕潤，頭髮因為洗完睇落好似啲洗頭水廣告入面啲特效咁靚，睇落就好似鄰家少女嘅感覺，同女強人嘅形象完全相反。
望住老細個樣，仲有近距離咁聞住老細沉體香。唔知點解好似俾佢吸引住咁，我個頭逐漸靠近老細塊面。
『佢應該唔會知掛。。。』我輕輕錫咗一啖老細嘅嘴唇，我都唔知點解我夠膽咁做。。。